ಕಿಡ್ನಿ

ತನ್ನ ಮಗುವಿನ ಉಳಿವಿಗಾಗಿ ತನ್ನ ಕಿಡ್ನಿಯನ್ನೇ ದಾನ ಮಾಡಿದ ಈ ಮಹಾ ತಾಯಿ,ಹಾಳಾದ ಪೋಸ್ಟ್ ಗಳೆಲ್ಲ ಶೇರ್ ಮಾಡ್ತೀರಾ,ಇದನ್ನೊಮ್ಮೆ ಶೇರ್ ಮಾಡಿ…

Home

ಮಗಳು ಕಿಡ್ನಿ ವೈಫಲ್ಯದಿಂದ ಬಳಲುತ್ತಿರುವುದನ್ನು ಕಂಡು ನೊಂದ ತಾಯಿಯೊಬ್ಬಳು, ತನ್ನ ಕಿಡ್ನಿಯನ್ನು ನೀಡಲು ಮುಂದಾಗಿದ್ದಾರೆ.

ಕಾರ್ಕಳ ತಾಲೂಕಿನ ಮಿಯ್ಯಾರು ಗ್ರಾಮದ ಜೋಡುಕಟ್ಟೆ ಕಜಾಯ್‌ ನಿವಾಸಿ ಕುಮಾರಿ (27) ಎರಡೂ ಕಿಡ್ನಿಗಳ ವೈಫಲ್ಯದಿಂದ ಬಳಲುತ್ತಿರುವವರು. ಕಳೆದೊಂದು ವರ್ಷದಿಂದ ಕಿಡ್ನಿ ಸಮಸ್ಯೆಯಿಂದ ಬಳಲುತ್ತಿದ್ದ ಆಕೆಯನ್ನು ಉಳಿಸಿಕೊಳ್ಳಲು ಮನೆಮಂದಿ ಪ್ರಯತ್ನಿಸಿದ್ದು, ಈಗಾಗಲೇ 2 ಲಕ್ಷ ರೂ. ವ್ಯಯಿಸಿದ್ದಾರೆ.

ಪತಿ ಕೂಲಿ ಕಾರ್ಮಿಕ: ಪತಿ ಹಾಗೂ ಇಬ್ಬರು ಪುಟ್ಟ ಮಕ್ಕಳಿರುವ ಇವರದು ಪುಟ್ಟ ಕುಟುಂಬ. ಪತಿ ಕುಮಾರಸ್ವಾಮಿ ಕೂಲಿ ಕಾರ್ಮಿಕ. ಮೂಲತಃ ಗಂಗಾವತಿ ನಿವಾಸಿಯಾಗಿರುವ ಅವರು ಹೊಟ್ಟೆಪಾಡಿಗಾಗಿ 4 ವರ್ಷ ಹಿಂದೆ ಕಾರ್ಕಳಕ್ಕೆ ಆಗಮಿಸಿದ್ದು, ಪ್ರಸ್ತುತ ಇಲ್ಲಿಯೇ ನೆಲೆಸಿದ್ದಾರೆ. ಎರಡನೇ ಮಗು ಜನಿಸಿದ ಸಂದರ್ಭ ಕುಮಾರಿಗೆ ಕಿಡ್ನಿ ಸಮಸ್ಯೆ ಕಂಡು ಬಂತು. ವೈದ್ಯರಲ್ಲಿ ತಪಾಸಣೆ ನಡೆಸಿದಾಗ ಎರಡೂ ಕಿಡ್ನಿಗಳು ವಿಫಲವಾದುದು ಗಮನಕ್ಕೆ ಬಂತು. ಹಲವು ತಿಂಗಳುಗಳಿಂದ ವಾರಕ್ಕೆರಡು ಬಾರಿ ಮಂಗಳೂರಿಗೆ ತೆರಳಿ ಡಯಾಲಿಸಿಸ್‌ ಚಿಕಿತ್ಸೆಗೆ ಒಳಪಡಿಸಲಾಗುತ್ತಿದೆ.

ಅದ್ಬುತ ಕರ್ನಾಟಕ Images Subhas - ShareChat - ಭಾರತದ ಸ್ವಂತ ಸೋಶಿಯಲ್ ಮೀಡಿಯಾ

ಕಿಡ್ನಿದಾನಕ್ಕೆ ಸಿದ್ಧಳಾದ ತಾಯಿ: ಕುಮಾರಿ ಬದುಕುಳಿಯಬೇಕೆಂಬ ಕನಸು ಆಕೆಯ ತಾಯಿ ರಾಜಮ್ಮಳದ್ದು. ರಾಜಮ್ಮಳಿಗೆ 61 ವರ್ಷವಾಗಿದ್ದು, ಮೊಮ್ಮಕ್ಕಳ ಭವಿಷ್ಯದ ದೃಷ್ಟಿಯಿಂದ ತನ್ನದೊಂದು ಕಿಡ್ನಿಯನ್ನು ಆಕೆಗೆ ಜೋಡಿಸುವ ದೊಡ್ಡ ಮನಸ್ಸು ಮಾಡಿದ್ದಾರೆ. ಕಿಡ್ನಿ ಬದಲಾವಣೆಯ ಚಿಕಿತ್ಸೆಗಾಗಿ ಸುಮಾರು 5 ಲಕ್ಷ ರೂ. ಖರ್ಚಾಗುವುದಾಗಿ ವೈದ್ಯರು ತಿಳಿಸಿದ್ದಾರೆ.

ಆದರೆ ಕೂಲಿ ಕೆಲಸ ಮಾಡಿ ಜೀವನ ಸಾಗಿಸುತ್ತಿರುವ ಈ ಕುಟುಂಬಕ್ಕೆ ಒಪ್ಪೊತ್ತಿನ ಊಟಕ್ಕೂ ತತ್ವಾರವಿರುವ ಸಂದರ್ಭ, ಅಷ್ಟೊಂದು ದೊಡ್ಡ ಮೊತ್ತದ ಹಣ ಒಟ್ಟು ಮಾಡುವುದಾದರೂ ಹೇಗೆ? ಎಂಬ ಚಿಂತೆ ಉಂಟಾಗಿದೆ. ವಾರಕ್ಕೆರಡು ಬಾರಿ ಡಯಾಲಿಸಿಸ್‌ ಚಿಕಿತ್ಸೆಗೆ 3 ಸಾವಿರ ರೂ.ನಂತೆ ತಿಂಗಳಿಗೆ 12 ಸಾವಿರ ರೂ. ಖರ್ಚಾಗುತ್ತದೆ. ಈಗಾಗಲೇ ಆಕೆಯ ಚಿಕಿತ್ಸೆಗಾಗಿ ಆಕೆಯ ಕುಟುಂಬದವರು ಖರ್ಚು ಮಾಡಿದ ಸಾಲ 2 ಲಕ್ಷ ರೂ. ಬಾಕಿಯಿದೆ. ಜತೆಗೆ 5 ಲಕ್ಷ ರೂ. ಮತ್ತೆ ತರುವುದಾದರೂ ಎಲ್ಲಿಂದ? ಎಂಬ ಚಿಂತೆ ಕುಟುಂಬದವರಿಗಾಗಿದೆ. ಸಾರ್ವಜನಿಕರಿಂದ ನೆರವು ಸಿಕ್ಕಿದರೆ ಚಿಕಿತ್ಸೆ ಕೊಡಿಸಬಹುದು ಎಂಬ ಆಶಯ ಮನೆ ಮಂದಿಯದ್ದು. ಅದಕ್ಕಾಗಿ ಸಂಘ ಸಂಸ್ಥೆಗಳು, ಸಹೃದಯ ದಾನಿಗಳ ನೆರವನ್ನು ಅವರು ಯಾಚಿಸಿದ್ದಾರೆ.

ತನ್ನ ಕಿಡ್ನಿಯನ್ನೇ ದಾನ ಮಾಡಿ ಮಗಳನ್ನು ಬದುಕಿಸಲು ಹೊರಟ ರಾಜಮ್ಮ ಅವರ ಆಶಯ ಈಡೇರಿಸುವ ಜತೆಗೆ ಇನ್ನೂ ಪ್ರಪಂಚದ ಜ್ಞಾನವೇ ತಿಳಿಯದ ಇಬ್ಬರು ಪುಟ್ಟ ಮಕ್ಕಳನ್ನು ಉಳಿಸುವ ನಿಟ್ಟಿನಲ್ಲಿ ಸಹೃದಯಿಗಳ ನೆರವು ಬೇಕಾಗಿದೆ.

ಲವ್ Images Vijay Kulal - ShareChat - ಭಾರತದ ಸ್ವಂತ ಸೋಶಿಯಲ್ ಮೀಡಿಯಾ

ನಿಮ್ಮ ಸ್ನೇಹಿತರಿಗೆ ಮತ್ತು ಫೇಸ್ಬುಕ್ ಗ್ರೂಪ್ ಗೆ ಶೇರ ಮಾಡಿ...