ಬೀಚ್‌

ಕಿಕ್ಕಿರಿದ ಬೀಚ್‌ನ ಸಾಗರದಲ್ಲಿ ವಿಮಾನ ಪತನ,ನೋಡಿ ಈ ದೃಶ್ಯ…

Home

ಸಿಡ್ನಿ: ಆಸ್ಪ್ರೇಲಿಯಾದಲ್ಲಿ ಶನಿವಾರ ಸಾಗರವಿಮಾನ (ಸೀಪ್ಲೇನ್‌) ನದಿಯಲ್ಲಿ ಪತನಗೊಂಡು ಆರು ಮಂದಿ ಮೃತಪಟ್ಟಿದ್ದಾರೆ.

ಸಿಡ್ನಿಯಿಂದ ಉತ್ತರಕ್ಕೆ 50 ಕಿಲೋಮೀಟರ್‌ ದೂರದಲ್ಲಿರುವ ಕೊವಾನ್‌ ಹೊರವಲಯದ ಸಮೀಪ ಹಾಕೆಸ್‌ಬರಿ ನದಿಯಲ್ಲಿ ವಿಮಾನ ಪತನಗೊಂಡಿದೆ. ಸತ್ತವರ ಕಳೆಬರಗಳನ್ನು ನದಿಯಿಂದ ಮೇಲೆತ್ತಲಾಗಿದೆ. ಆದರೆ, ಇದುವರೆಗೆ ಅವರ ಗುರುತು ಪತ್ತೆಯಾಗಿಲ್ಲ ಎಂದು ಪೊಲೀಸರು ತಿಳಿಸಿದ್ದಾರೆ.

ಮಡಿದ ನಾಲ್ವರು ಪ್ರಯಾಣಿಕರು ಬ್ರಿಟನ್‌ ಪ್ರಜೆಗಳೆಂದು ಹೇಳಲಾಗುತ್ತಿದೆಯಾದರೂ ಆ ಬಗ್ಗೆ ಖಚಿತ ಮಾಹಿತಿ ಇಲ್ಲ. ಸಾಗರ ವಿಮಾನ 13 ಮೀಟರ್‌ ಆಳದ ನೀರಿನಲ್ಲಿ ಪತನಗೊಂಡಿರುವುದಾಗಿ ಪೊಲೀಸ್‌ ಅಧಿಕಾರಿ ತಿಳಿಸಿದ್ದಾರೆ.

”ವಿಮಾನ ಕಿರು ಅಂತರದಲ್ಲಿ ಬಲಕ್ಕೆ ತಿರುವು ತೆಗೆದುಕೊಳ್ಳಲು ಪ್ರಯತ್ನಿಸಿದೆ. ಆ ಪ್ರಕ್ರಿಯೆ ವೇಳೆ ವಿಮಾನದ ರೆಕ್ಕೆಗಳು ನೀರಿನಲ್ಲಿ ಮುಳುಗಿದವು. ತಕ್ಷಣವೇ ವಿಮಾನ ಮುಮ್ಮುಖವಾಗಿ ನೇರವಾಗಿ ನೀರಿಗೆ ನುಗ್ಗಿತು,” ಎಂದು ಪ್ರತ್ಯಕ್ಷದರ್ಶಿಯೊಬ್ಬರು ತಿಳಿಸಿದ್ದಾರೆ.

ಸಿಡ್ನಿ ಹಾರ್ಬರ್‌ನಲ್ಲಿ ಹೊಸ ವರ್ಷದ ಸಂಭ್ರಮಕ್ಕೆ ಕೆಲವೇ ಗಂಟೆಗಳ ಮೊದಲು ಈ ದುರ್ಘಟನೆ ನಡೆದಿದೆ.







ನಿಮ್ಮ ಸ್ನೇಹಿತರಿಗೆ ಮತ್ತು ಫೇಸ್ಬುಕ್ ಗ್ರೂಪ್ ಗೆ ಶೇರ ಮಾಡಿ...