ಆಸ್ತಿ ಹಕ್ಕು

ಹೆಣ್ಣು ಮಕ್ಕಳಿಗೆ ಆಸ್ತಿ ಹಕ್ಕು ನೀವು ತಿಳಿಯಲೇಬೇಕಾದ ಸಂಗತಿಗಳು…

Home

ಭಾರತದಲ್ಲಿ ಪ್ರತಿಯೊಬ್ಬ ಮಹಿಳೆಯು ಆಸ್ತಿಗೆ ಸಂಬಂಧಿಸಿದಂತೆ ಕೆಲವು ಹಕ್ಕುಗಳನ್ನು ಹೊಂದಿದ್ದಾಳೆ. ಹಿಂದೂ ಉತ್ತರಾಧಿಕಾರದ ಕಾಯ್ದೆ 2005ರ ತಿದ್ದುಪಡಿಯ ಪ್ರಕಾರ, ಮಹಿಳೆಯರಿಗೆ ತಮ್ಮ ತಂದೆಯ ಆಸ್ತಿಯಲ್ಲಿ ಸಮಾನ ಹಕ್ಕನ್ನು ನೀಡಲಾಗಿದೆ.

ಆಸ್ತಿ ಎಂದರೆ ಅದು ಕೇವಲ ಪುರುಷರಿಗೆ ಸಂಬಂಧಿಸಿದ್ದು ಎಂದು ಭಾವಿಸುವ ಮಹಿಳೆಯರು ಪುನಃ ಒಮ್ಮೆ ಆಲೋಚಿಸಬೇಕಿದೆ. ಭಾರತದಲ್ಲಿ ಆಸ್ತಿಯ ವಿಷಯಕ್ಕೆ ಸಂಬಂಧಿಸಿದಂತೆ ಮಹಿಳೆಯರಿಗೂ ಸಹ ಪುರುಷರಷ್ಟೇ ಸಮಾನ ಹಕ್ಕಿದೆ. ಈ ಪ್ರಕರಣವೊಂದನ್ನು ಪರಿಶೀಲಿಸೋಣ…

ನಿತಿ ಸಿಂಗ್ ಎನ್ನುವವರು ಐದು ವರ್ಷಗಳಿಂದ ದೆಹಲಿಯಲ್ಲಿ ವಾಸಿಸುತ್ತಿರುವ ಒಂಟಿ ಮಹಿಳೆ. ಆಕೆಯ ತಂದೆ ಮುಂಬೈಯಲ್ಲಿ ಒಂದು ಮನೆಯನ್ನು ಮಾರಿ, ಆದಾಯವನ್ನು ತನ್ನ ಇಬ್ಬರು ಗಂಡು ಮಕ್ಕಳಿಗೆ ಸಮಾನವಾಗಿ ವಿತರಿಸಿದರು. ನಿತಿ ತನ್ನ ಪಾಲನ್ನು ಕೇಳಿದಾಗ ಅವಳನ್ನು ನಿರಾಕರಿಸಲಾಯಿತು. ಅವಳು ತನ್ನ ತಂದೆಯ ಆಸ್ತಿಯಲ್ಲಿ ಪಾಲು ಪಡೆಯಬಹುದೇ?

ಭಾರತದಲ್ಲಿ ಮಹಿಳೆಯು ಆಸ್ತಿಗೆ ಸಂಬಂಧಿಸಿದಂತೆ ಕೆಲವು ಹಕ್ಕುಗಳನ್ನು ಹೊಂದಿದ್ದಾಳೆ. ಅದು ತೆರಿಗೆ ವಿಷಯದಲ್ಲಾಗಲಿ ಅಥವಾ ಆನುವಂಶಿಕತೆಯ ಕಾನೂನು ಸಮಸ್ಯೆಯಲ್ಲಾಗಲಿ ಮಹಿಳೆಯರ ಹಕ್ಕನ್ನು ರಕ್ಷಿಸಿರುವುದಲ್ಲದೇ ಹೆಚ್ಚುವರಿ ಪ್ರಯೋಜನಗಳನ್ನು ಸಹ ನೀಡಿದೆ.

ಹಿಂದೂ ಉತ್ತರಾಧಿಕಾರದ ಕಾಯ್ದೆ 2005ರ ತಿದ್ದುಪಡಿಯೊಂದಿಗೆ, ಮಹಿಳೆಯರಿಗೆ ತಮ್ಮ ತಂದೆಯ ಆಸ್ತಿಯಲ್ಲಿ ಸಮಾನ ಹಕ್ಕನ್ನು ನೀಡಲಾಗಿದೆ. ಕಾಯಿದೆಯ ಪರಿಷ್ಕರಣೆಯ ನಂತರ ಲಿಂಗಗಳ ತಾರತಮ್ಯವನ್ನು ತೆಗೆದುಹಾಕಲಾಗಿದೆ.

ಮಹಿಳೆಯರ ಆಸ್ತಿ ಹಕ್ಕುಗಳು : ಅದ್ಭುತ ಮಾಹಿತಿ ​| Property Rights of Women in India  । Prema Pawar - YouTube

“ಕಡಿಮೆ ಆರ್ಥಿಕ ಸ್ಥಿರತೆಯನ್ನು ಹೊಂದಿರುವ ಮಹಿಳೆಯರನ್ನು ಸಬಲೀಕರಣಗೊಳಿಸಲು ಸಾಕಷ್ಟು ಕಾನೂನು ಕ್ರಮವನ್ನು ಹೊಂದಿದೆ. ಭಾರತದ ಪಶ್ಚಿಮ ಬಂಗಾಳದಂತಹ ರಾಜ್ಯದಲ್ಲಿ, ಕಡಿಮೆ ಆದಾಯ ಹೊಂದಿರುವ ಕುಟುಂಬಗಳಿಗೆ ಸರ್ಕಾರ ನೀಡುವ ಜಮೀನುಗಳನ್ನು ಮಹಿಳೆಯರ ಹೆಸರಲ್ಲಿಯೇ ನೀಡಲಾಗುವುದು. ಭಾರತದಲ್ಲಿ ಧಾರ್ಮಿಕ ಅಂಗಸಂಸ್ಥೆಯ ಆಧಾರದ ಮೇಲೆಯೇ ಕುಟುಂಬ ಕಾನೂನುಗಳು ವೈಯಕ್ತಿಕ ಸ್ಥಿತಿ ಕಾನೂನುಗಳಿಂದ ನಿಯಂತ್ರಿಸಲ್ಪಡುತ್ತವೆ. ಕೆಲವು ರಾಜ್ಯಗಳಲ್ಲಿ ಇದು ಜಾರಿಯಲ್ಲಿದ್ದರೆ, ಇನ್ನೂ ಕೆಲವು ರಾಜ್ಯಗಳು ಧಾರ್ಮಿಕ ಆಚರಣೆಗಳ ಆಧಾರದ ಮೇಲೆ ಕೊಂಚ ಬದಲಾವಣೆಯನ್ನು ಮಾಡಿಕೊಂಡಿವೆ” ಎಂದು ಲೆಕ್ಸ್ ಫಾವಿಯೋಸ್ನ ವ್ಯವಸ್ಥಾಪಕ ಪಾಲುದಾರ ಸುಮ್ಸ್ ದಿವಾನ್ ಹೇಳಿದ್ದಾರೆ.

ಮುಸ್ಲಿಂ ಧರ್ಮದಲ್ಲಿ ವಿಚ್ಛೇದಿತ ಹೆಂಡತಿಯ ಭವಿಷ್ಯಕ್ಕಾಗಿ ಪುರುಷ ಸಮಂಜಸವಾದ ಮತ್ತು ನ್ಯಾಯಯುತವಾದ ಹೊಣೆಗಾರಿಕೆಯನ್ನು ಹೊರಬೇಕಾಗುತ್ತದೆ. ಅದರೊಟ್ಟಿಗೆ ಆಕೆಯ ನಿರ್ವಹಣೆಯ ಜವಾಬ್ದಾರಿಯೂ ಒಳಗೊಂಡಿರುತ್ತದೆ. ಮಹಿಳೆ ತನ್ನ ಪತಿಯ ಮರಣದ ನಂತರ ಅಥವಾ ವಿಚ್ಛೇದನ ಪಡೆದ ಬಳಿಕ, ಇನ್ನೊಬ್ಬ ಪುರುಷನನ್ನು ವಿವಾಹವಾಗದೆ ಇದ್ದರೆ, ಆ ಅವಧಿಯನ್ನು ಇದ್ದತ್ ಎನ್ನಲಾಗುತ್ತದೆ. ಈ ಅವಧಿಯನ್ನು ಸೆಕ್ಷನ್ 3ರ ನಿಯಮದ ಪ್ರಕಾರ ಗಂಡನು ಮಾಡಬೇಕು (1ಎಚ್ಎ). ವಿಚ್ಛೇದನ ಹಕ್ಕುಗಳ ಸಂರಕ್ಷಣೆಯ ಕಾಯ್ದೆಯ ಪ್ರಕಾರ ಆಕೆಯ ನಿರ್ವಹಣೆಯ ಹಕ್ಕು ಪತಿ ಹೊಂದಿರುತ್ತಾನೆ. ವಿಚ್ಛೇದನದ ನಂತರ ಆಕೆ ಇನ್ನೊಂದು ವಿವಾಹವಾದರೆ ಮೊದಲ ಪತಿ ಜೀವನ ನಿರ್ವಹಣೆ ಜವಾಬ್ದಾರಿಯನ್ನು ನಿರ್ವಹಿಸಬೇಕಾಗಿರುವುದಿಲ್ಲ.
ಮಹಿಳೆಯರ ಅಸ್ತಿ ಹಕ್ಕು ಕುರಿತು ಸಂಪೂರ್ಣ ಮಾಹಿತಿ ಇಲ್ಲಿದೆ - indianspost.com

ಕ್ರಿಶ್ಚಿಯನ್ ಧರ್ಮದಲ್ಲಿ ಹೆಣ್ಣು ಮಗಳು ತನ್ನ ತಂದೆ-ತಾಯಿಯ ಆಸ್ತಿ ಅಥವಾ ಜಮೀನಿನಲ್ಲಿ ತನ್ನ ಸಹೋದರ ಹಾಗೂ ಸಹೋದರಿಯಂತೆ ಸಮಾನ ಹಕ್ಕನ್ನು ಹೊಂದಿರುತ್ತಾಳೆ. ಎಲ್ಲರಿಂದಲೂ ಬಹುಮತ ಪಡೆದು ಆಸ್ತಿಯನ್ನು ಹೊಂದಿದ ಮೇಲೆ, ಅವಳು ತನ್ನ ವೈಯಕ್ತಿಕ ಆಸ್ತಿಯ ಮೇಲೆ ಸಂಪೂರ್ಣವಾದ ಹಕ್ಕನ್ನು ಪಡೆದುಕೊಳ್ಳುತ್ತಾಳೆ. ಅಲ್ಲಿಯವರೆಗೆ ಅವಳ ತಂದೆಯೇ ಆಕೆಯ ಹೊಣೆಗಾರಿಕೆ, ಜವಾಬ್ದಾರಿ ಹಾಗೂ ರಕ್ಷಕನಾಗಿ ಇರುತ್ತಾನೆ.

ಹಿಂದೂ ಕಾನೂನು

ತನ್ನ ತಂದೆಯ ಆಸ್ತಿಯಲ್ಲಿ ಮಗನಷ್ಟೇ ಮಗಳಿಗೂ ಸಮಾನ ಉತ್ತರಾಧಿಕಾರವಿದೆ. ತಾಯಿ ಮತ್ತು ತಂದೆಯ ಆಸ್ತಿಯಲ್ಲಿ ಸಮಾನವಾದ ಪಾಲನ್ನು ಪಡೆದುಕೊಳ್ಳಲು ಅವಳಿಗೆ ಹಕ್ಕಿದೆ. ಅವಳಿಗೆ ನೀಡಿದ ಪಾಲಿನ ಸಮಾನತೆಯ ಪ್ರಮಾಣದಲ್ಲೇ ಸಹೋದರ ಹಾಗೂ ಸಹೋದರಿಗೂ ನೀಡಲಾಗುವುದು. ಆಕೆ ತಾನು ಪಡೆದ ಪಾಲನ್ನು ಮಾರಾಟದ ಮೂಲಕ, ವಿಲ್ ಮೂಲಕ ಅಥವಾ ಉಡುಗೊರೆಯ ರೂಪದಲ್ಲಿ ವಿಲೇವಾರಿ ಮಾಡಬಹುದು. ಅವಳು ಗಳಿಸಿದ ಆಸ್ತಿಯನ್ನು ಉಡುಗೊರೆಯಾಗಿ ನೀಡುವ ಅಥವಾ ವಿಲ್ ಮಾಡುವ ಎಲ್ಲಾ ಬಗೆಯ ಹಕ್ಕನ್ನು ಹೊಂದಿರುತ್ತಾಳೆ.
ಮಹಿಳೆಯರ ಹೆಸರಿನಲ್ಲಿ ಮನೆ ಅಥವಾ ಆಸ್ತಿ ಇದ್ದರೆ ಬಂಪರ್ ಗುಡ್ ನ್ಯೂಸ್, ಏನೆಲ್ಲಾ ಲಾಭಗಳು  ಸಿಗಲಿದೆ ಗೊತ್ತಾ. : NADUNUDI
 
ವಿವಾಹಿತ ಮಹಿಳೆ

ವಿವಾಹಿತ ಮಹಿಳೆ ಗಳಿಸಿದ, ಉಡುಗೊರೆಯಾಗಿ ಪಡೆದ ಮತ್ತು ವಿಲ್ ಮೂಲಕ ಗಳಿಸಿದ ಆಸ್ತಿಗಳಿಗೆ ಆಕೆ ಒಬ್ಬಳೇ ಏಕಸ್ವಾಮ್ಯ ಹಕ್ಕನ್ನು ಪಡೆದುಕೊಂಡಿರುತ್ತಾಳೆ. 2005ರ ನಂತರದ ತಿದ್ದು ಪಡಿಯ ಕಾನೂನು ಪ್ರಕಾರ ತಂದೆಯ ನಿಧನದ ಬಳಿಕ ಮಹಿಳೆಯರಿಗೆ ತನ್ನ ತಂದೆಯ ಆಸ್ತಿಯಲ್ಲಿ ಹಕ್ಕಿರುತ್ತದೆ. ಮಹಿಳೆಯರು ತಾವು ಪಡೆದ ಆಸ್ತಿಯನ್ನು ವಿಲ್ ಮೂಲಕ ಅಥವಾ ಉಡುಗೊರೆಯ ಮೂಲಕ ಯಾರಿಗಾದರೂ ವಿಲೇವಾರಿ ಮಾಡುವ ಹಕ್ಕನ್ನು ಹೊಂದಿರುತ್ತಾರೆ. ಅಂತೆಯೇ ಗಂಡನಿಂದಲೂ ನಿವಾಸವನ್ನು ಒದಗಿಸುವ ಹಾಗೂ ನಿರ್ವಹಣೆಯನ್ನು ಹೊಂದುವ ಹಕ್ಕನ್ನು ಪಡೆದುಕೊಂಡಿರುತ್ತಾಳೆ. ಅವಿಭಕ್ತ ಕುಟುಂಬದಲ್ಲಿ ಇರುವಾಗ ವಿಭಜನೆಯನ್ನು ಮಾಡಿದರೆ ಗಂಡ ಮತ್ತು ಮಕ್ಕಳಷ್ಟೇ ಸಮಾನ ಹಕ್ಕನ್ನು ಹೊಂದಿರುತ್ತಾಳೆ. ಅದೇ ರೀತಿ, ಗಂಡನ ಮರಣದ ನಂತರ ಅವಳ ಮಕ್ಕಳು ಮತ್ತು ಗಂಡನ ತಾಯಿಯ ಆಸ್ತಿಯಲ್ಲೂ ಸಮಾನವಾದ ಪಾಲನ್ನು ಪಡೆದುಕೊಳ್ಳಲು ಅರ್ಹಳಾಗಿರುತ್ತಾಳೆ.
ತಾಯಿ

ಅನುವಂಶಿಕ ಕಾನೂನಿನ ಪ್ರಕಾರ ತಾಯಿ ಉತ್ತರಾಧಿಕಾರಿಯಾಗಿರುವುದರಿಂದ ಮಕ್ಕಳಿಗೆ ನಿರ್ವಣೆ ಒದಗಿಸುವ ಹಕ್ಕನ್ನು ಹೊಂದಿರುತ್ತಾಳೆ. ಅವಳು ವಿಲ್ ಮಾಡದೆ ಸತ್ತರೆ ಆಕೆಯ ಆಸ್ತಿಯಲ್ಲಿ ಅವಳ ಎಲ್ಲಾ ಮಕ್ಕಳಿಗೂ ಲಿಂಗ ತಾರತಮ್ಯವಿಲ್ಲದೆ ಸಮಾನ ಪಾಲು ದೊರೆಯುವುದು. ಅವಳು ತನ್ನ ಇಷ್ಟದಂತೆ ಜಮೀನು ಅಥವಾ ಆಸ್ತಿಯನ್ನು ತನಗೆ ಇಷ್ಟವಾಗುವ ಮಕ್ಕಳ ಹೆಸರಿಗೂ ವಿಲ್ ಬರೆಯುವ ಸಂಪೂರ್ಣ ಹಕ್ಕಿದೆ. ಅವಿಭಕ್ತ ಕುಟುಂಬದಲ್ಲಿ ಇರುವಾಗ ವಿಧವಾ ತಾಯಿ ತನ್ನ ಮಗನಂತೆ ಸಮನಾದ ಪಾಲನ್ನು ಪಡೆದುಕೊಳ್ಳುವ ಹಕ್ಕನ್ನು ಸಹ ಹೊಂದಿರುತ್ತಾಳೆ.
ನನ್ನ ಹಂಚಿಕೆ ಎಲ್ಲಿದೆ: ಆಸ್ತಿಪಾಸ್ತಿಗಳನ್ನು ಮರುವಿಮೆ ಮಾಡುವವರು 'ಆಸ್ತಿಯ ಹಕ್ಕು

ಮನೆ ಖರೀದಿಸಲು ಮಹಿಳೆಯರಿಗೆ ಇರುವ ಪ್ರಯೋಜನಗಳು

ಒಬ್ಬ ಮಹಿಳೆ ತನ್ನ ಹೆಸರಿನಲ್ಲಿ ಮನೆ ಖರೀದಿಸಲು ಮುಂದಾದರೆ ಕಡಿಮೆ ಬಡ್ಡಿದರದಲ್ಲಿ ಬ್ಯಾಂಕ್‌ಗಳು ಗೃಹಸಾಲವನ್ನು ನೀಡುತ್ತದೆ. ಮಹಿಳಾ ಸಾಲಗಾರರಿಗೆ ಇದು ಶೇ.0.5ರಷ್ಟು ಕಡಿಮೆಯಾಗುತ್ತದೆ. ಮಹಿಳೆಯರು ತಮ್ಮ ಆಸ್ತಿಯ ನೋಂದಣಿಯ ಸಮಯದಲ್ಲಿ ಸ್ಟ್ಯಾಂಪ್ ಡ್ಯೂಟಿಯಲ್ಲಿ ಶೇ.1-2ರಷ್ಟು ರಿಯಾಯತಿಯನ್ನು ಪಡೆದುಕೊಳ್ಳುವರು. ದೆಹಲಿಯಲ್ಲಿ ಮಹಿಳೆಯರಿಗೆ ಶೇ.2ರಷ್ಟು ರಿಯಾಯತಿಯನ್ನು ನೀಡಲಾಗುತ್ತದೆ. ಗೃಹ ಸಾಲಕ್ಕೆ ಪಾವತಿಸಲಾಗುವ 2ಲಕ್ಷ ಬಡ್ಡಿಗೆ ತೆರಿಗೆ ಕಡಿತವನ್ನು ಪಡೆಯಲು ಅರ್ಹರಾಗಿರುತ್ತಾರೆ.

ನಿಮ್ಮ ಸ್ನೇಹಿತರಿಗೆ ಮತ್ತು ಫೇಸ್ಬುಕ್ ಗ್ರೂಪ್ ಗೆ ಶೇರ ಮಾಡಿ...