ಪೊಲೀಸ್

ಆ ಕೆಲಸ ಮಾಡುವಾಗ ಸಿಕ್ಕಿ ಬಿದ್ದ ಪೊಲೀಸ್ ಜೋಡಿ,ನೋಡಿ…ವೈರಲ್ ವೀಡಿಯೊ…

Home

ಬೆಂಗಳೂರು: ಆಂಧ್ರಪ್ರದೇಶದ ಪೊಲೀಸರು ಚಿನ್ನದ ವ್ಯಾಪಾರಿಯನ್ನು ದರೋಡೆ ಮಾಡಿ ಬೆಂಗಳೂರು ಪೊಲೀಸರ ಕೈಗೆ ಸಿಕ್ಕಿ ಬಿದ್ದಿದ್ದಾರೆ!

ಚಿನ್ನ ಖರೀದಿಸಲು ನಗರಕ್ಕೆ ಬಂದಿದ್ದ ಆಭರಣ ಅಂಗಡಿ ನೌಕರನ ಬೆನ್ನತ್ತಿದ ಆಂಧ್ರದ ಮೂವರು ಪೊಲೀಸರು ಆತನನ್ನು ಅಪಹರಿಸಿ 27.50 ಲಕ್ಷ ರೂ. ದರೋಡೆ ನಡೆಸಿದ್ದರು. ಬೆಂಗಳೂರಿನ ಕೇಂದ್ರ ಡಿಸಿಪಿ ವಿಭಾಗದ ಪೊಲೀಸ್ ತಂಡ ಪ್ರಕರಣ ಭೇದಿಸಿ ಆಂಧ್ರ ಪೊಲೀಸರನ್ನು ಬಂಧಿಸಿದೆ.

ಚಿನ್ನದಂಗಡಿ ನೌಕರನನ್ನು ಆದಾಯ ತೆರಿಗೆ ಅಧಿಕಾರಿಗಳ ಸೋಗಿನಲ್ಲಿ ಆಂಧ್ರದಿಂದ ಬೆನ್ನತ್ತಿ ಬಂದಿದ್ದ ಮೂವರು ಪೊಲೀಸರು ಬೆಂಗಳೂರಿನ ಮೈಸೂರು ಬ್ಯಾಂಕ್ ವೃತ್ತದಲ್ಲಿ ಕೃತ್ಯ ಎಸಗಿದ್ದರು. ಮಾ.12ರಂದು ನಡೆದಿದ್ದ ಈ ದರೋಡೆ ಪ್ರಕರಣವನ್ನು ಗಂಭೀರವಾಗಿ ಪರಿಗಣಿಸಿದ್ದ ಡಿಸಿಪಿ ಸಂದೀಪ್ ಪಾಟೀಲ್ ತಂಡ, ಆರೋಪಿ ಪೊಲೀಸರಿಂದ 6 ಲಕ್ಷ ರೂ. ವಶಪಡಿಸಿಕೊಂಡಿದೆ.

ಆಂಧ್ರದ ಕರ್ನೂಲ್ ಜಿಲ್ಲೆಯ ಮುಜಫರ್ ನಗರದ ಶೇಖರ್(40), ಪತ್ತಿಕೊಂಡ ತಾಲೂಕು ಮದ್ದಿಕೆರೆ ಗ್ರಾಮದ ಸತ್ಯನಾರಾಯಣ ಅಲಿಯಾಸ್ ಸತ್ಯ(41) ಹಾಗೂ ಆದೋನಿ ತಾಲೂಕು ಆರ್.ಕೆ.ಟಿ.ಸ್ಟ್ರೀಟ್ ನಿವಾಸಿ ಜಯಣ್ಣ (43) ಬಂಧಿತರು. ಇವರೆಲ್ಲ ಕರ್ನೂಲ್ ಜಿಲ್ಲಾ ಪೊಲೀಸ್ ಇಲಾಖೆಯಲ್ಲಿ ಪೇದೆಗಳಾಗಿ ಕರ್ತವ್ಯ ನಿರ್ವಹಿಸುತ್ತಿದ್ದರು.

ಚಿನ್ನ ಖರೀದಿಸಲು ಬಂದಿದ್ದ ಟಿಪ್ಪು
ಆಂಧ್ರದ ಅನಂತಪುರ ಜಿಲ್ಲೆಯ ಎಮ್ಮಿಗನೂರು ಪಟ್ಟಣದ ಆಲೀಂ ಬೇಗ್ ಎಂಬುವರ ಚಿನ್ನಾಭರಣ ಮಳಿಗೆಯಲ್ಲಿ ಕೆಲಸ ಮಾಡುತ್ತಿರುವ ಟಿಪ್ಪು ಸುಲ್ತಾನ್ ಮಾ.12ರಂದು ಚಿನ್ನ ಖರೀದಿಗೆಂದು ಬೆಂಗಳೂರಿಗೆ ಬಂದಿದ್ದರು. ಆಲೀಂ ಬೇಗ್ ಅವರು ಟಿಪ್ಪು ಕೈಯಲ್ಲಿ 27ಲಕ್ಷ ರೂ. ಕೊಟ್ಟಿದ್ದರು. ಟಿಪ್ಪು ಸುಲ್ತಾನ್ ಅಂದು ಎಮ್ಮಿಗನೂರಿನಿಂದ ಕರ್ನಾಟಕ ರಸ್ತೆ ಸಾರಿಗೆ ಬಸ್‌ನಲ್ಲಿ ಬೆಂಗಳೂರಿಗೆ ಬಂದು ಮೈಸೂರು ಬ್ಯಾಂಕ್ ವೃತ್ತದ ಪೆಟ್ರೋಲ್ ಬಂಕ್ ಬಳಿ ಇಳಿಯುತ್ತಿದ್ದಂತೆ ಮೂವರು ಬಂದು ಅವರನ್ನು ಹಿಡಿದುಕೊಂಡಿದ್ದರು. ತಾವು ಆದಾಯ ತೆರಿಗೆ ಅಧಿಕಾರಿಗಳು ಎಂದು ಹೇಳಿಕೊಂಡರು.

ಬ್ಯಾಗ್ ತಪಾಸಣೆ ನಡೆಸಬೇಕೆಂದು ನಾಟಕವಾಡಿದರು. ಇದನ್ನು ನಿಜವೆಂದು ನಂಬಿದ ಟಿಪ್ಪು ಸುಲ್ತಾನ್, ಮರು ಮಾತನಾಡಲಿಲ್ಲ. ಇಂಡಿಕಾ ಕಾರಿಗೆ ಅವರನ್ನು ಹತ್ತಿಸಿಕೊಂಡ ಆರೋಪಿಗಳು ಬಳ್ಳಾರಿ ರಸ್ತೆಯ ಮೂಲಕ ಯಲಹಂಕ ತಲುಪಿದ್ದರು.

ಮತ್ತೊಂದು ಕಾರು ಬಂತು
ತಮ್ಮನ್ನು ಹತ್ತಿಸಿಕೊಂಡಿದ್ದ ಕಾರು ಯಲಹಂಕ ತಲುಪುವ ಹೊತ್ತಿಗೆ ಟಿಪ್ಪುಗೆ ಅನುಮಾನ ಬಂತು. ‘ಎಲ್ಲಿಗೆ ಕರೆದ್ಯೊಯುತ್ತಿದ್ದೀರಿ’ ಎಂದು ಪ್ರಶ್ನಿಸಿದರು. ‘‘ನಿನ್ನ ಎಲ್ಲಾ ಪ್ರಶ್ನೆಗೂ ಆಫೀಸ್‌ನಲ್ಲಿ ಉತ್ತರ ಸಿಗುತ್ತದೆ ಬಾ,’’ ಎಂದು ಗದರಿಸಿದರು. ಆ ಹೊತ್ತಿಗೆ ಮತ್ತೊಂದು ಟೊಯೊಟೊ ಕಾರು ಬಂದು ಪಕ್ಕದಲ್ಲಿ ನಿಂತಿತು. ದರೋಡೆಕೋರ ಪೊಲೀಸರು ಟಿಪ್ಪುವಿನ ಕೈಯಿಂದ ಬ್ಯಾಗ್ ಪಡೆದು ‘‘ನೀನು ಈ ಕಾರಿನಲ್ಲೇ ಕುಳಿತಿರು. ನಿನ್ನ ಹಣ ಪರೀಕ್ಷಿಸಬೇಕು,’’ ಎನ್ನುತ್ತಾ ಪಕ್ಕದಲ್ಲೇ ಇದ್ದ ಮತ್ತೊಂದು ಕಾರಿಗೆ ಹತ್ತಿಕೊಂಡು ಪರಾರಿಯಾಗಿದ್ದರು. ತಾನು ಮೋಸ ಹೋಗಿರುವುದು ಗೊತ್ತಾಗಿ ಟಿಪ್ಪು ಹಲಸೂರುಗೇಟ್ ಪೊಲೀಸ್ ಠಾಣೆಯಲ್ಲಿ ದೂರು ದಾಖಲಿಸಿದ್ದರು. ಆರೋಪಿಗಳ ಪತ್ತೆಗೆ ಹಲಸೂರು ಗೇಟ್ ಉಪ ವಿಭಾಗದ ಎಸಿಪಿ ಅಮರ್ ರೆಡ್ಡಿ ನೇತೃತ್ವದಲ್ಲಿ ವಿಶೇಷ ತನಿಖಾ ತಂಡ ರಚಿಸಲಾಗಿತ್ತು.

ಪೊಲೀಸರೇ ದರೋಡೆಕೋರರು!
ಮಫ್ತಿಯಲ್ಲಿ ತನಿಖೆ ಮುಂದುವರಿಸಿದ ತಂಡ ದರೋಡೆಕೋರ ಪೊಲೀಸರಿಗೆ ಅನುಮಾನ ಬಾರದಂತೆ ಪೂರಕ ಸಾಕ್ಷಿಗಳನ್ನು ಸಂಗ್ರಹಿಸಿ ಕರ್ನೂಲ್ ಎಸ್‌ಪಿ ಮುಂದೆ ಇಟ್ಟಿತು. ಅವರಿಂದ ಹಸಿರು ನಿಶಾನೆ ಸಿಕ್ಕ ಕೂಡಲೆ ಮೂವರು ಪೊಲೀಸರನ್ನು ಬಂಧಿಸಿ ಬೆಂಗಳೂರಿಗೆ ಕರೆತಂದು ವಿಚಾರಣೆ ನಡೆಸಿತು. ಆಗ ಅವರು ತಾವು ನಡೆಸಿದ್ದ ದರೋಡೆಯನ್ನು ಒಪ್ಪಿಕೊಂಡರು.










ನಿಮ್ಮ ಸ್ನೇಹಿತರಿಗೆ ಮತ್ತು ಫೇಸ್ಬುಕ್ ಗ್ರೂಪ್ ಗೆ ಶೇರ ಮಾಡಿ...