ಬೆನ್ನುಹುರಿಯ ಮೂಳೆಗಳಲ್ಲಿ ನೋವು:ಲಕ್ಷಣಗಳು,ಕಾರಣ ಮತ್ತು ಚಿಕಿತ್ಸೆ

ಇತ್ತೀಚೆಗೆ ಆರ್ಥ್ರೈಟಿಸ್ ಸಮಸ್ಯೆ ಎನ್ನುವುದು ತುಂಬಾ ಜನರನ್ನು ಬಿಟ್ಟು ಬಿಡದಂತೆ ಕಾಡುತ್ತಿದೆ. ಸಣ್ಣದಾದ ನೋವಿನಿಂದ ಮೊದಲು ಪ್ರಾರಂಭವಾಗುವ ಸಮಸ್ಯೆ ನಂತರದಲ್ಲಿ ವಿಪರೀತವಾಗಿ ಬದಲಾಗಿ ದೀರ್ಘಕಾಲ ಕಾಡುತ್ತದೆ. 60 ವರ್ಷ ದಾಟಿದ ಪುರುಷರು ಮತ್ತು ಮಹಿಳೆಯರಲ್ಲಿ ಬಹುತೇಕ ಮಂದಿ ಆರ್ಥೈಟಿಸ್ ಸಮಸ್ಯೆಗೆ ಗುರಿಯಾಗಿರುತ್ತಾರೆ. ತುಂಬಾ ಜನರು ಈ ಸಂದರ್ಭದಲ್ಲಿ ನೋವು ನಿವಾರಣೆಗಾಗಿ ಔಷಧಿಗಳ ಮೊರೆ ಹೋಗುತ್ತಾರೆ. ಕೆಲವರು ನೇರವಾಗಿ ಆಸ್ಪತ್ರೆಗೆ ದಾಖಲಾಗಿ ವೈದ್ಯರಿಂದ ಶಸ್ತ್ರಚಿಕಿತ್ಸೆಯ ಶಿಫಾರಸಿಗೆ ಒಳಗಾಗುತ್ತಾರೆ. ವ್ಯಕ್ತಿಯ ಸದ್ಯದ ಆರೋಗ್ಯದ ಪರಿಸ್ಥಿತಿಗಳನ್ನು ಗಮನಿಸಿಕೊಂಡು ಯಾವ ಬಗೆಯ ಚಿಕಿತ್ಸೆ ಸೂಕ್ತವಾಗುತ್ತದೆ ಎಂಬುದನ್ನು ವೈದ್ಯರು ನಿರ್ಧಾರ ಮಾಡುತ್ತಾರೆ.

ಬೆನ್ನುಹುರಿಯ ಮೂಳೆಗಳಲ್ಲಿ ಮತ್ತು ಕೀಲುಗಳಲ್ಲಿ ಸಮಸ್ಯೆ ಕಂಡು ಬಂದರೆ ಫೇಸೆಟ್ ಆರ್ಥ್ರೈಟಿಸ್ ಸಮಸ್ಯೆ ಎದುರಾಗುತ್ತದೆ. ದಿನ ಕಳೆದಂತೆ ಮೂಳೆಗಳು ಸವೆಯಲು ಪ್ರಾರಂಭವಾಗಿ ಮಧ್ಯದಲ್ಲಿರುವ ಕಾರ್ಟಿಲೇಜ್ ಭಾಗ ಹಾನಿಯಾಗಿ ಮೂಳೆಗಳು ಒಂದಕ್ಕೊಂದು ಕೂಡಿಕೊಳ್ಳುವ ಸ್ಥಳದಲ್ಲಿ ಘರ್ಷಣೆ ಉಂಟಾಗಿ ಅಕ್ಕಪಕ್ಕದ ನರನಾಡಿಗಳಿಗೆ ಉರಿಯೂತದ ಸಮಸ್ಯೆ ಎದುರಾಗುವುದರಿಂದ ನೋವು ಪ್ರಬಲವಾಗಿ ನಮ್ಮನ್ನು ಕಾಡುತ್ತದೆ.

ಈಗಿನ ಅಭಿವೃದ್ಧಿಯಾದ ಆಧುನಿಕ ವೈದ್ಯಕೀಯ ಯುಗದಲ್ಲಿ ಮನುಷ್ಯನ ಪ್ರತಿಯೊಂದು ಆರೋಗ್ಯ ಸಮಸ್ಯೆಗಳಿಗೂ ಸೂಕ್ತ ವಾಗುವಂತಹ ಚಿಕಿತ್ಸೆ ಇರುತ್ತದೆ. ಅದೇ ರೀತಿ ದೀರ್ಘಕಾಲದಿಂದ ಮನುಷ್ಯನನ್ನು ಕಾಡುವ ಆರ್ಥ್ರೈಟಿಸ್ ಸಮಸ್ಯೆಗೆ ಹಲವು ವಿಧಗಳಲ್ಲಿ ಚಿಕಿತ್ಸೆ ಲಭ್ಯವಿವೆ. ಆರ್ಥ್ರೈಟಿಸ್ ಸಮಸ್ಯೆಗೆ ಗುರಿಯಾದ ವ್ಯಕ್ತಿಯ ದೇಹದ ಪ್ರಸ್ತುತ ಸ್ಥಿತಿಯನ್ನು ಗಮನಿಸಿ ವೈದ್ಯರು ಸರಿಯಾದ ಚಿಕಿತ್ಸೆಯನ್ನು ಸಕಾಲಕ್ಕೆ ನೀಡಲು ಮುಂದಾಗುತ್ತಾರೆ. ಈ ಲೇಖನದಲ್ಲಿ ಬೆನ್ನುಹುರಿಯಲ್ಲಿ ಉಂಟಾಗುವ ಮೂಳೆಗಳ ಸಮಸ್ಯೆಯಿಂದ ಕಂಡುಬರುವ ಮತ್ತು ಆರ್ಥ್ರೈಟಿಸ್ ನ ಇನ್ನೊಂದು ವಿಧವಾದ ಫೇಸೆಟ್ ಆರ್ಥ್ರೈಟಿಸ್ ಬಗ್ಗೆ ತಿಳಿದುಕೊಳ್ಳೋಣ : –

ಫೇಸೆಟ್ಸ್ ಎಂದರೇನು ? ಮನುಷ್ಯನ ದೇಹ ಮೂಳೆ – ಮಾಂಸಗಳ ತಡಿಕೆ ಎನ್ನುವಂತೆ ನಮ್ಮ ದೇಹ ಹಲವಾರು ಮೂಳೆಗಳು, ಕೀಲುಗಳು ಒಟ್ಟುಗೂಡಿ ಮಾಂಸ – ಖಂಡಗಳ ಜೊತೆ ರೂಪುಗೊಂಡಿರುತ್ತದೆ. ನಮ್ಮ ದೇಹದ ಎಲ್ಲಾ ಭಾಗಗಳಲ್ಲೂ ಕೀಲುಗಳು ಇದ್ದೇ ಇರುತ್ತವೆ. ಅದರಲ್ಲೂ ನಮ್ಮ ಬೆನ್ನು ಹುರಿಯಲ್ಲಿ ಬಹಳಷ್ಟು ಕೀಲುಗಳು ಕಂಡು ಬರುತ್ತವೆ. ಒಂದೊಂದು ಕೀಲುಗಳ ಮಧ್ಯ ಭಾಗಗಳಲ್ಲಿ ಕಾರ್ಟಿಲೇಜ್ ಇರುವ ಕಾರಣ ನಾವು ಬಾಗಿದಾಗ, ಮೇಲೆದ್ದಾಗ, ಕುಳಿತುಕೊಂಡಾಗ, ನೇರವಾಗಿ ನಿಂತುಕೊಂಡಾಗ ಇವುಗಳು ನಮಗೆ ಹೆಚ್ಚು ಸಹಾಯ ಮಾಡುತ್ತವೆ. ದಿನ ಕಳೆದಂತೆ ಅಂದರೆ ನಮಗೆ ವಯಸ್ಸಾಗುತ್ತಾ ಹೋದಂತೆ ನಮ್ಮ ದೆಹದಲ್ಲಿ ಕೀಲುಗಳು ಸವೆಯುತ್ತವೆ. ಇದರಿಂದ ಬೆನ್ನು ಹುರಿಯ ಮೇಲೆ ಒತ್ತಡ ಜಾಸ್ತಿ ಆಗುತ್ತದೆ. ನಂತರದಲ್ಲಿ ನೋವು ಮತ್ತು ಸೆಳೆತ ಕಂಡು ಬರುತ್ತದೆ.

ಫೇಸೆಟ್ಸ್ ಮುರಿದುಕೊಳ್ಳುವಿಕೆ : – ಮೂಳೆಗಳಿಗೆ ಸಂಬಂಧಪಟ್ಟಂತೆ ಮನುಷ್ಯನಿಗೆ ವಯಸ್ಸಾದಂತೆ ದೇಹದಲ್ಲಿ ಕಾರ್ಟಿಲೆಜ್ ಭಾಗವು ನಿಧಾನವಾಗಿ ತೆಳ್ಳಗಾಗಲು ಪ್ರಾರಂಭವಾಗುತ್ತದೆ. ಇದರಿಂದ ಅಕ್ಕ ಪಕ್ಕದ ಮೂಳೆಗಳಿಗೆ ಇದರ ಬೆಂಬಲ ಕಡಿಮೆ ಆಗುತ್ತದೆ. ಈ ಸಮಯದಲ್ಲಿ ಮನುಷ್ಯ ಸ್ವಲ್ಪ ಒರಟಾಗಿ ನಡೆದುಕೊಂಡರೂ ಮೂಳೆಗಳಿಗೆ ಅಪಾಯ ತಪ್ಪಿದ್ದಲ್ಲ. ಫೇಸೆಟ್ಸ್ ಕೀಲುಗಳಲ್ಲಿ ಆಸ್ಟಿಯೋ ಆರ್ಥರೈಟಿಸ್ ಸಮಸ್ಯೆ ಪ್ರಾರಂಭವಾಗಿ ಉರಿಯೂತ ಕಂಡು ಬರುತ್ತದೆ. ಫೇಸೆಟ್ಸ್ ಕೀಲುಗಳು ನಿಧಾನವಾಗಿ ಸವೆಯುತ್ತಾ ಹೋದಂತೆ ನೋವು, ಹಿಡಿತ ಮತ್ತು ಬೆನ್ನು ಹುರಿಯ ನರಗಳ ಮೇಲೆ ವಿಪರೀತ ಒತ್ತಡ ಉಂಟಾಗಲು ಪ್ರಾರಂಭವಾಗುತ್ತದೆ.
spinal cord
ವಿವಿಧ ಹೆಸರುಗಳಿಂದ ಈ ಸಮಸ್ಯೆಯನ್ನು ಕರೆಯಬಹುದು : – ಫೇಸೆಟ್ ಆರ್ಥ್ರೈಟಿಸ್, ಫೇಸೆಟ್ ಕಾಯಿಲೆ, ಫೇಸೆಟ್ ಹೈಪರ್ಟ್ರೋಫಿ, ಫೇಸೆಟ್ ಜೋಯಿಂಟ್ ಸಿಂಡ್ರೋಮ್, ಗರ್ಭಕಂಠದ ಸಮಸ್ಯೆಗಳು

ಮೂಳೆಗಳಿಗೂ ಮತ್ತು ಗರ್ಭಕಂಠದ ಸಮಸ್ಯೆಗೂ ಏನು ಸಂಬಂಧ? ಮೊದಲೇ ಹೇಳಿದಂತೆ ಕಶೇರುಖಂಡಗಳು ವಿವಿಧ ಬಗೆಯ ಸಣ್ಣ ಸಣ್ಣ ಮೂಳೆಗಳ ಗುಂಪಿನಿಂದ ಮಾಡಲ್ಪಟ್ಟಿರುತ್ತವೆ. ಗರ್ಭಕಂಠದ ಕಶೇರುಖಂಡಗಳ ಜೊತೆ ಕುತ್ತಿಗೆಯ ಭಾಗದಲ್ಲಿರುವ ಕಶೇರುಖಂಡಗಳು ಬೆಸೆದುಕೊಂಡಿರುತ್ತವೆ. ನಮ್ಮ ಎದೆಗೂಡಿನ ಕಶೇರುಖಂಡಗಳು ಮಧ್ಯ ಬೆನ್ನನ್ನು ರೂಪಿಸಿದರೆ, ಸೊಂಟದ ಭಾಗದಲ್ಲಿ ಕಂಡು ಬರುವ ಕಶೇರುಖಂಡಗಳ ಕೆಳ ಬೆನ್ನಿಗೆ ಬೆಂಬಲ ಸೂಚಿಸುತ್ತವೆ. ಗರ್ಭಕಂಠದ ಭಾಗದಲ್ಲಿರುವ ಬೆನ್ನುಹುರಿಯಲ್ಲಿ ಕಂಡು ಬರುವ ಫೇಸೆಟ್ ಕೀಲುಗಳಲ್ಲಿ ಗರ್ಭಕಂಠದ ಸ್ಪಾಂಡಿಲೋಸಿಸ್ ಸಮಸ್ಯೆ ಪ್ರಾರಂಭವಾದರೆ ಅದನ್ನು ಕುತ್ತಿಗೆಯ ಭಾಗದ ಕೀಲುಗಳಲ್ಲಿ ಕಂಡುಬರುವ ಆರ್ಥ್ರೈಟಿಸ್ ಸಮಸ್ಯೆ ಎಂದು ಕರೆಯಬಹುದು. ‘ ಅಮೆರಿಕನ್ ಅಕಾಡೆಮಿ ಆಫ್ ಆರ್ಥೋಪೆಡಿಕ್ ಸರ್ಜನ್ ‘ ರವರ ಪ್ರಕಾರ 60 ವರ್ಷ ದಾಟಿದ ವಿಶ್ವದ ಶೇಕಡ 85% ಮಂದಿ ಇಂತಹ ಸಮಸ್ಯೆಯನ್ನು ಹೊಂದಿರುವುದು ಬೆಳಕಿಗೆ ಬಂದಿದೆ. ಯಾರಿಗೆ ಈಗಾಗಲೇ ಕುತ್ತಿಗೆಯ ಭಾಗದಲ್ಲಿ ಸ್ವಲ್ಪ ಪೆಟ್ಟು ಬಿದ್ದು ಮೂಳೆಗಳಿಗೆ ಸಂಬಂಧ ಪಟ್ಟಂತೆ ಸಮಸ್ಯೆಗಳನ್ನು ಎದುರಿಸುತ್ತಿರುತ್ತಾರೆ, ಅಂತಹವರಿಗೆ ಗರ್ಭಕಂಠದ ಫೇಸೆಟ್ ಆರ್ಥೈಟಿಸ್ ಸಮಸ್ಯೆ ಸಾಮಾನ್ಯ ಎಂದು ಹೇಳುತ್ತಾರೆ. ಇಂತಹ ಮಂದಿ ತಮ್ಮ ಕುತ್ತಿಗೆಯನ್ನು ದಿನದಲ್ಲಿ ತಮ್ಮ ವಿವಿಧ ಕಾರ್ಯ ಚಟುವಟಿಕೆಗಳಿಗಾಗಿ ಬಹಳಷ್ಟು ಬಾರಿ ಅತ್ತಿತ್ತ ಆಡಿಸುವುದರಿಂದ ಸಮಸ್ಯೆ ಇನ್ನಷ್ಟು ಹೆಚ್ಚಾಗುತ್ತದೆ. ಧೂಮಪಾನ ಅಥವಾ ಮದ್ಯಪಾನದಂತಹ ಕೆಟ್ಟ ಚಟಗಳನ್ನು ಹೊಂದಿರುವ ವ್ಯಕ್ತಿಗಳಿಗೆ ಮೂಳೆಗೆ ಸಂಬಂಧ ಪಟ್ಟ ಸಮಸ್ಯೆಗಳು ಯಾವ ಕ್ಷಣದಲ್ಲಿ ಬೇಕಾದರೂ ಹೆಚ್ಚಾಗಬಹುದು ಎಂದು ಮೂಳೆಗಳ ತಜ್ಞರು ಹೇಳುತ್ತಾರೆ.

ಕುತ್ತಿಗೆಯ ಭಾಗದಲ್ಲಿ ನೋವು ಕಂಡು ಬರುವುದು : – ಆರ್ಥ್ರೈಟಿಸ್ ಸಮಸ್ಯೆ ಹೊಂದಿರುವವರಿಗೆ ಮತ್ತು ತಮ್ಮ ದೇಹದಲ್ಲಿ ಕೀಲುಗಳು ಬಹಳಷ್ಟು ಸವೆದಿರುವವರಿಗೆ ಮೂಳೆಗಳು ಸಹಜ ರೀತಿಯಲ್ಲಿ ಚಲಿಸಲು ಸಾಧ್ಯ ಆಗುವುದಿಲ್ಲ. ಇದರಿಂದ ಕೂತಲ್ಲಿ ನಿಂತಲ್ಲಿ ಮೂಳೆಗಳು ವಿಪರೀತ ನೋಯಲು ಪ್ರಾರಂಭ ಮಾಡುತ್ತವೆ. ಇದಕ್ಕೆ ಸಂಬಂಧ ಪಟ್ಟಂತೆ ಕೆಲವು ರೋಗ – ಲಕ್ಷಣಗಳನ್ನು ಗಮನಿಸುವುದಾದರೆ, ಕುತ್ತಿಗೆಯ ಭಾಗದಲ್ಲಿ ನೋವು ಕಂಡು ಬರುವುದು ಮತ್ತು ಕುತ್ತಿಗೆ ಹಿಡಿದುಕೊಂಡಂತೆ ಆಗುವುದು ( ಆರಾಮವಾಗಿ ಒಂದು ಕಡೆ ಕುಳಿತುಕೊಳ್ಳದೆಬೇರೆ ಬೇರೆ ಚಟುವಟಿಕೆಗಳಲ್ಲಿ ತೊಡಗಿ ಕುತ್ತಿಗೆಯನ್ನು ಹೆಚ್ಚು ಬಾರಿ ಅತ್ತ – ಇತ್ತ ಆಡಿಸಿದರೆ ನೋವು ಮತ್ತು ಸೆಳೆತ ಹೆಚ್ಚಾಗುವುದು ) ತಲೆ ನೋವು ಕಂಡು ಬರುವ ಜೊತೆಗೆ ಕುತ್ತಿಗೆಯನ್ನು ಅತ್ತಿಂದ ಇತ್ತ, ಇತ್ತಿಂದ ಅತ್ತ ಆಡಿಸುವಾಗ ಶಬ್ದ ಕೇಳಿ ಬರುತ್ತದೆ. ಇದಕ್ಕೆ ಕಾರಣ ಮೂಳೆಗಳ ಮಧ್ಯದಲ್ಲಿ ಇರುವ ಕಾರ್ಟಿಲೇಜ್ ಅದಾಗಲೇ ಸವೆದು ಹೋಗಿರುತ್ತದೆ. ಹಾಗಾಗಿ ಮೂಳೆಗಳು ತಮ್ಮ ಕೀಲುಗಳ ಭಾಗದಲ್ಲಿ ಒಂದಕ್ಕೊಂದು ಉಜ್ಜುವ ಕಾರಣದಿಂದ ಶಬ್ದ ಕೇಳಿ ಬರುತ್ತದೆ. ಕುತ್ತಿಗೆ ಹಾಗೂ ಭುಜಗಳ ಭಾಗದಲ್ಲಿ ಮಾಂಸಖಂಡಗಳ ಸೆಳೆತ ಉಂಟಾಗುತ್ತದೆ ಬೆಳಗ್ಗೆ ಮತ್ತು ಸಂಜೆ ವಿಪರೀತ ನೋವು ಕಂಡುಬರುತ್ತದೆ ಮೊದಲು ಕುತ್ತಿಗೆಯಿಂದ ಪ್ರಾರಂಭವಾಗಿ ನೋವು ನಿಧಾನವಾಗಿ ಬೆನ್ನು ಮೂಳೆಗಳವರೆಗೂ ಚಲಿಸುತ್ತದೆ.

ಸೊಂಟ ನೋವು : – ಹಲವಾರು ಕಾರಣಗಳಿಂದ ಸೊಂಟ ನೋವು ನಮಗೆ ಬರಬಹುದು. ಕೆಲವರಿಗೆ ಒಮ್ಮೆ ಸೊಂಟ ನೋವು ಕಂಡು ಬಂದರೆ ಅಷ್ಟು ಬೇಗನೆ ವಾಸಿಯಾಗುವುದಿಲ್ಲ. ಬದಲಿಗೆ ದೀರ್ಘ ಕಾಲ ನೋವಿನಿಂದ ಬಳಲುವಂತೆ ಮಾಡುತ್ತದೆ. ಫೇಸೆಟ್ ಕೀಲು ಭಾಗಗಳು ಕ್ಷೀಣಿಸುತ್ತಾ ಹೋದಂತೆ ಬೆನ್ನು ಹುರಿ ತುಂಬ ಗಂಭೀರವಾದ ರೋಗ – ಲಕ್ಷಣಗಳನ್ನು ತೋರಿಸುವುದರ ಮೂಲಕ ಸೊಂಟದ ದುರ್ಬಲತೆಗೆ ಕಾರಣವಾಗುತ್ತದೆ. ಪ್ರಮುಖವಾಗಿ ನಮ್ಮ ಎರಡು ಮೂಳೆಗಳ ಮಧ್ಯದಲ್ಲಿರುವ ಕಾರ್ಟಿಲೇಜ್ ಭಾಗವು ತನ್ನ ನೀರಿನ ಅಂಶವನ್ನು ಮತ್ತು ಪ್ರಮಾಣವನ್ನು ಕಳೆದುಕೊಳ್ಳುವುದರಿಂದ ಮೂಳೆಗಳು ಒಂದಕ್ಕೊಂದು ತಗಲುವ ಜಾಗದಲ್ಲಿ ಯಾವ ಗಳಿಗೆ ವಿಪರೀತ ಒತ್ತಡ ಉಂಟಾಗಿ ಆರ್ಥರೈಟಿಸ್ ಸಮಸ್ಯೆಗೆ ಕಾರಣವಾಗುತ್ತದೆ. ಈ ಸಂದರ್ಭದಲ್ಲಿ ಕಾರ್ಟಿಲೇಜ್ ಇದ್ದ ಜಾಗದಲ್ಲಿ ಮೂಳೆ ಹೊಸದಾಗಿ ಬೆಳವಣಿಗೆ ಹೊಂದಲು ಪ್ರಾರಂಭ ಮಾಡುತ್ತದೆ ಮತ್ತು ಇದರಿಂದ ಆ ಭಾಗದಲ್ಲಿರುವ ನರಗಳಿಗೆ ಇದು ಚುಚ್ಚಿದಂತಾಗಿ ನಮಗೆ ಕೀಲುಗಳನ್ನು ಮಡಚಿದ ಸಂದರ್ಭದಲ್ಲಿ ನೋವು ಕಾಣಿಸುತ್ತದೆ. ಬೆನ್ನು ಹುರಿಗೆ ಸಂಬಂಧ ಪಟ್ಟಂತೆ ಒಂದು ವೇಳೆ ಇಂತಹ ಸಮಸ್ಯೆ ಎದುರಾದರೆ ಬಾಗಿದಾಗ ಮತ್ತು ಮೇಲೆದ್ದಾಗ ಸೊಂಟ ಹಿಡಿದುಕೊಂಡಂತೆ ಆಗುವುದು ಅಥವಾ ಬೆನ್ನು ನೋವು ಕಂಡು ಬರುವುದು ಉಂಟಾಗುತ್ತದೆ. ಸೊಂಟದ ಭಾಗದಲ್ಲಿ ಕಂಡು ಬರುವ ಆರ್ಥೈಟಿಸ್ ಸಮಸ್ಯೆಯ ಇನ್ನು ಕೆಲವು ರೋಗ – ಲಕ್ಷಣಗಳನ್ನು ಗಮನಿಸುವುದಾದರೆ, ವಿಶ್ರಾಂತಿ ತೆಗೆದುಕೊಳ್ಳುವ ಸಂದರ್ಭದಲ್ಲಿ ಅಥವಾ ಮಲಗಿದ ನಂತರ ನೋವು ಕಾಣಿಸುವುದು ಮೇಲ್ಬಾಗದ ದೇಹವನ್ನು ನಾವು ಹಿಂಬದಿಗೆ ಬಾಗಿಸಿದಾಗ ಅಥವಾ ಪಕ್ಕಕ್ಕೆ ಬಾಗಿಸಿದಾಗ ತಕ್ಷಣವೇ ನೋವು ಕಾಣಿಸುವುದು. ಸೊಂಟದ ಭಾಗದಲ್ಲಿರುವ ನೋವು ನಿಧಾನವಾಗಿ ತೊಡೆಗಳವರೆಗೂ ವರ್ಗಾವಣೆ ಆಗುವುದು.

ನರನಾಡಿಗಳ ಸೆಳೆತ ಉಂಟಾಗುವುದು : – ಕೇವಲ ಸೊಂಟದ ಭಾಗದಲ್ಲಿ ಮಾತ್ರವಲ್ಲದೆ ಬೆನ್ನುಹುರಿಯ ಭಾಗದಲ್ಲಿರುವ ನರಗಳಿಗೆ ಇದೇ ಸಮಸ್ಯೆ ಎದುರಾಗುತ್ತದೆ. ವಯಸ್ಸಾದಂತೆ ಬೆನ್ನು ಹುರಿ ತನ್ನ ಗಾತ್ರದಲ್ಲಿ ತಗ್ಗುವುದರಿಂದ ಅಕ್ಕ – ಪಕ್ಕದ ನರಗಳ ಮೇಲೆ ಹೆಚ್ಚು ಒತ್ತಡ ಉಂಟಾಗಿ ರೋಗ – ಲಕ್ಷಣಗಳು ಉಲ್ಬಣಗೊಳ್ಳುವ ಸಾಧ್ಯತೆ ಇದೆ. ಹೀಗೆ ಬೆನ್ನುಹುರಿಯಲ್ಲಿ ಸಾಗಿರುವ ನರಗಳ ಮೇಲೆ ಉಂಟಾಗುವ ಒತ್ತಡ ನಮ್ಮ ಕೈಗಳು, ಬೆರಳುಗಳು ಮತ್ತು ತೋಳುಗಳ ಭಾಗದಲ್ಲಿ ಹಿಡಿದುಕೊಂಡಂತೆ ಅಥವಾ ತುಂಬಾ ದುರ್ಬಲಗೊಂಡಂತೆ ಸಮಸ್ಯೆಗಳು ಎದುರಾಗಬಹುದು. ಈ ಸಂದರ್ಭದಲ್ಲಿ ರೋಗ – ಲಕ್ಷಣಗಳು ಇನ್ನಷ್ಟು ಮುಂದುವರೆದು ನಮಗೆ ನಡೆದಾಡಲು ಕಷ್ಟವಾಗಬಹುದು. ರಸ್ತೆಯಲ್ಲಿ ಸಾಗುತ್ತಿರಬೇಕಾದರೆ ತಲೆಸುತ್ತಿ ಬೀಳುವಂತೆ ಆಗಬಹುದು ಕೈಗಳು ಮತ್ತು ಕಾಲುಗಳಲ್ಲಿ ನಿಶ್ಯಕ್ತಿ ತಲೆದೋರಬಹುದು. ಅಂಗೈ ಮತ್ತು ಅಂಗಾಲು ಗಳಲ್ಲಿ ವಿಪರೀತ ಉರಿ, ಕಾಲುಗಳಲ್ಲಿ ಅಥವಾ ತೊಡೆಯ ಭಾಗದಲ್ಲಿ ಸೆಳೆತ ಕಂಡುಬರುವ ಸಾಧ್ಯತೆ ಇದೆ.

ಫೇಸೆಟ್ ಆರ್ಥ್ರೈಟಿಸ್ ಉಂಟಾಗಲು ಕೆಲವು ಕಾರಣಗಳು ಹೀಗಿವೆ : – ಆಸ್ಟಿಯೋ ಆರ್ಥರೈಟಿಸ್ : – ನಮಗೆ ಕೈ ಕಾಲುಗಳು ಹಿಡಿದುಕೊಂಡಂತೆ ಅಥವಾ ಕೈ ಕಾಲುಗಳಲ್ಲಿ ನೋವು ಕಂಡು ಬಂದಂತೆ ಅನುಭವವಾದರೆ ಅಷ್ಟಕ್ಕೆ ನಮ್ಮ ಬೆನ್ನುಹುರಿಯಲ್ಲಿ ಆರ್ಥ್ರೈಟಿಸ್ ಸಮಸ್ಯೆ ಉಂಟಾಗಿದೆ ಎಂದರ್ಥವಲ್ಲ. ಮೂಳೆಗಳಲ್ಲಿ ಕಂಡು ಬರುವ ಉರಿಯೂತದ ಸಮಸ್ಯೆಯಿಂದ ನಮ್ಮ ಕೀಲುಗಳು ಸರಿಯಾಗಿ ಒಂದಕ್ಕೊಂದು ತಾಗುವಂತೆ ರೂಪುಗೊಂಡಿರುವುದಿಲ್ಲ ಎಂದು ತಿಳಿದುಕೊಳ್ಳಬಹುದು. ಇದು ಯಾವುದಾದರೂ ಸಂದರ್ಭದಲ್ಲಿ ನಮಗೆ ಪೆಟ್ಟು ಬಿದ್ದಾಗ ಈ ರೀತಿ ಆಗುತ್ತದೆ ಎಂದು ವೈದ್ಯರು ಹೇಳುತ್ತಾರೆ. ಈ ಸಂದರ್ಭದಲ್ಲಿ ಮೂಳೆಗಳ ಸಮಸ್ಯೆ ಇನ್ನಷ್ಟು ಹೆಚ್ಚಾಗುವ ಸಾಧ್ಯತೆಯಿದ್ದು, ದೇಹದ ಯಾವುದೇ ಭಾಗದಲ್ಲಿ ಕಂಡು ಬರುವ ಆಸ್ಟಿಯೋ ಆರ್ಥರೈಟಿಸ್ ಸಮಸ್ಯೆ ನಮ್ಮ ಬೆನ್ನುಹುರಿಯ ಕೀಲುಗಳಲ್ಲಿ ನೋವು ಕಂಡು ಬರುವಂತೆ ಮಾಡಬಹುದು. ಸಿನೋವೆಲ್ ಗಂಟುಗಳು : – ಬೆನ್ನು ಹುರಿಯ ಭಾಗದಲ್ಲಿ ದ್ರವ ತುಂಬಿದ ಚೀಲಗಳು ರೂಪುಗೊಳ್ಳುವುದರಿಂದ ಇವುಗಳನ್ನು ಸಿನೋವೆಲ್ ಗಂಟುಗಳು ಎಂದು ಕರೆಯುತ್ತಾರೆ. ಯಾವುದೇ ಸಂದರ್ಭದಲ್ಲಿ ಬೆನ್ನುಹುರಿಯ ಕೀಲುಗಳು ಕಾರ್ಟಿಲೇಜ್ ಸವೆದು ಹೋದ ಕಾರಣ ಪಕ್ಕಕ್ಕೆ ಜರುಗಿದ ಕ್ಷಣದಲ್ಲಿ ಸಿನೋವೆಲ್ ಗಂಟುಗಳ ಚೀಲದಿಂದ ಈ ದ್ರವಾಂಶ ಬಿಡುಗಡೆ ಆಗುತ್ತದೆ. ಇದರಿಂದ ಗಂಟುಗಳು ದಪ್ಪವಾದ ಕ್ಷಣದಲ್ಲಿ ಅಕ್ಕಪಕ್ಕದ ನರಗಳಿಗೆ ಒತ್ತಿದಂತಾಗಿ ಬೆನ್ನಿನ ಭಾಗದಲ್ಲಿ ನೋವು ಕಂಡು ಬರಬಹುದು. ಡಿಸ್ಕ್ ಎತ್ತರ ಬದಲಾವಣೆ : – ನಮ್ಮ ಬೆನ್ನುಹುರಿಯಲ್ಲಿ ಸಣ್ಣ ಸಣ್ಣ ಮೂಳೆಗಳು ಒಂದಕ್ಕೊಂದು ಕೊಂಡಿಯ ರೀತಿ ಸಿಕ್ಕಿ ಹಾಕಿ ಕೊಂಡಿರುವುದರಿಂದ ಕೀಲುಗಳ ಭಾಗದಲ್ಲಿ ಕಿರಿಕಿರಿ ಮತ್ತು ಉರಿಯೂತ ಉಂಟಾಗುತ್ತದೆ. ಸುತ್ತಮುತ್ತಲಿನ ನರಗಳ ಮೇಲೆ ವಿಪರೀತ ಒತ್ತಡ ಬಿದ್ದ ಸಂದರ್ಭದಲ್ಲಿ ನೋವು ಕೂಡ ಕಾಣಿಸುತ್ತದೆ. ದೈಹಿಕ ತೂಕ ಹೆಚ್ಚಾದರೆ : – ದೇಹದ ತೂಕ ಹೆಚ್ಚಾಗಿರುವವರಿಗೆ ಖಂಡಿತವಾಗಿ ಮೂಳೆಗಳ ಮೇಲೆ ಮತ್ತು ಕೀಲುಗಳ ಮೇಲೆ ದೇಹದ ಅತಿಯಾದ ತೂಕದ ಒತ್ತಡ ಬೀಳುವ ಕಾರಣ ಕೀಲುಗಳಿಗೆ ಹಾನಿ ಉಂಟಾಗಿ ಆರ್ಥ್ರೈಟಿಸ್ ಸಮಸ್ಯೆ ಎದುರಾಗುತ್ತದೆ. ವಯಸ್ಸು ಕೂಡ ಒಂದು ಕಾರಣ : – ಚಿಕ್ಕ ವಯಸ್ಸಿನ ಯುವಕರಿಗೆ ಅಥವಾ ಯುವತಿಯರಿಗೆ ಹೋಲಿಸಿದರೆ ವಯಸ್ಸಾದ ನಂತರದಲ್ಲಿ ಜನರಿಗೆ ಆ ರೀತಿ ಸಮಸ್ಯೆ ದೀರ್ಘಕಾಲ ಕಾಡುವ ಸಮಸ್ಯೆಯಾಗಿ ಬದಲಾಗುತ್ತದೆ. ಪುರುಷರು ಮತ್ತು ಮಹಿಳೆಯರು – ಯಾರಿಗೆ ಜಾಸ್ತಿ ? ಪುರುಷರಿಗೆ 45 ವರ್ಷಕ್ಕಿಂತ ಮುಂಚೆ ಅರ್ಥರೈಟಿಸ್ ಸಮಸ್ಯೆ ಕಂಡು ಬರುವ ಎಲ್ಲಾ ಸಾಧ್ಯತೆಗಳು ಇವೆ. ಮಹಿಳೆಯರಿಗೆ 45 ವರ್ಷ ಕಳೆದ ನಂತರ ಆರ್ಥ್ರೈಟಿಸ್ ಸಮಸ್ಯೆ ಪ್ರಾರಂಭವಾಗುತ್ತದೆ ಎಂದು ಹೇಳುತ್ತಾರೆ.

ಫೇಸೆಟ್ ಆರ್ಥ್ರೈಟಿಸ್ ಕಂಡುಹಿಡಿಯುವಿಕೆ : – ನಿಮ್ಮಲ್ಲಿ ಫೇಸೆಟ್ ಆರ್ಥ್ರೈಟಿಸ್ ಸಮಸ್ಯೆ ಇದೆ ಎಂದು ವೈದ್ಯರಿಗೆ ತಿಳಿಯಬೇಕಾದರೆ ಅವರು ಈ ಕೆಳಗಿನ ಪರೀಕ್ಷೆಗಳಿಗೆ ನಿಮ್ಮನ್ನು ಒಳಪಡಿಸಬಹುದು. ಎಲ್ಲದಕ್ಕೂ ಮೊದಲು ನಿಮ್ಮ ಆರೋಗ್ಯದ ಇತಿಹಾಸವನ್ನು ಒಮ್ಮೆ ಅವಲೋಕಿಸಲು ಮುಂದಾಗುತ್ತಾರೆ. ನಿಮಗೆ ಇದುವರೆಗೂ ಕಾಡಿದ ಆರೋಗ್ಯ ಸಮಸ್ಯೆಗಳ ಬಗ್ಗೆ ಮಾಹಿತಿ ಪಡೆಯುತ್ತಾರೆ. ಸದ್ಯ ಈಗ ನಿಮಗೆ ಬರುತ್ತಿರುವ ರೋಗ – ಲಕ್ಷಣಗಳ ಬಗ್ಗೆ ತಿಳಿದುಕೊಳ್ಳುತ್ತಾರೆ. ನೀವು ಇದುವರೆಗೂ ತೆಗೆದುಕೊಳ್ಳುತ್ತಿದ್ದ ಔಷಧಿಗಳ ವಿವರಣೆ, ಕೀಲು ನೋವುಗಳಿಗೆ ಸಂಬಂಧ ಪಟ್ಟಂತೆ ಆಸ್ಪತ್ರೆಗೆ ದಾಖಲಾದ ಇತಿಹಾಸ, ಎಲ್ಲದರ ಬಗ್ಗೆ ಮಾಹಿತಿ ಕಲೆ ಹಾಕಿ ನಿಮಗೆ ಆರ್ಥ್ರೈಟಿಸ್ ಅಥವಾ ಕೀಲುಗಳ ನೋವು ಕಂಡುಬರಲು ಮತ್ತು ಹೆಚ್ಚಾಗಲು ಕಾರಣಗಳು ಏನಿರಬಹುದು ಎಂಬುದನ್ನು ವೈದ್ಯಕೀಯ ಮೂಲಗಳಿಂದ ಪತ್ತೆ ಹಚ್ಚುತ್ತಾರೆ. ದೈಹಿಕ ಪರೀಕ್ಷೆ : – ಈ ಪರೀಕ್ಷೆಯಲ್ಲಿ ವೈದ್ಯರು ನಿಮ್ಮ ದೇಹದ ಯಾವ ಭಾಗದಲ್ಲಿ ವಿಪರೀತ ನೋವು ಕಂಡುಬರುತ್ತಿದೆಯೋ ಅದಕ್ಕೆ ಸಂಬಂಧ ಪಟ್ಟಂತೆ ಆ ಭಾಗದಲ್ಲಿರುವ ನರನಾಡಿಗಳ ಮತ್ತು ಮಾಂಸ – ಖಂಡಗಳ ಬಲ, ದುರ್ಬಲತೆ, ಚಲನೆ, ರಕ್ತ ಸಂಚಾರ ಗಳಿಗೆ ಸಂಬಂಧಪಟ್ಟಂತೆ ಕೆಲವು ಪರೀಕ್ಷೆಗಳನ್ನು ನಡೆಸುತ್ತಾರೆ.

ಔಷಧಿಗಳು ಮತ್ತು ಇಂಜೆಕ್ಷನ್ : – ಒಮ್ಮೆ ವೈದ್ಯರಿಗೆ ನಿಮ್ಮ ದೇಹದಲ್ಲಿ ಕಂಡುಬರುತ್ತಿರುವ ಆರ್ಥ್ರೈಟಿಸ್ ಸಮಸ್ಯೆಯ ಮೂಲ ಪತ್ತೆ ಆದ ನಂತರ ಮುಂದಿನ ಹಂತದ ಚಿಕಿತ್ಸೆ ಕೈಗೊಳ್ಳುವ ಮೊದಲು ನಿಮ್ಮ ದೇಹದಲ್ಲಿ ಯಾವ ಭಾಗದಲ್ಲಿ ನೋವಿದೆ ಅಲ್ಲಿ ಅನಸ್ತೇಶಿಯಾ ಇಂಜೆಕ್ಷನ್ ಕೊಡುತ್ತಾರೆ. ಅನಸ್ತೇಶಿಯಾ ಇಂಜೆಕ್ಷನ್ ತೆಗೆದುಕೊಂಡ ಬಳಿಕ ನಿಮ್ಮ ಯಾವ ಕೀಲುಗಳ ಭಾಗದಲ್ಲಿ ನೋವಿದ್ದು ಅದು ಮರೆಯಾದರೆ ವೈದ್ಯರಿಗೆ ಅದು ಫೇಸೆಟ್ ಆರ್ಥ್ರೈಟಿಸ್ ಎಂದು ಖಾತ್ರಿಯಾಗುತ್ತದೆ. ಒಂದು ವೇಳೆ ಅನಸ್ತೇಶಿಯಾ ತೆಗೆದುಕೊಂಡ ಬಳಿಕವೂ ನಿಮಗೆ ನೋವು ಹಾಗೆ ಇದ್ದರೆ ವೈದ್ಯರು ನಿಜವಾದ ನೋವಿನ ಮೂಲದ ಬಗ್ಗೆ ಮತ್ತಷ್ಟು ಹುಡುಕಾಡಲು ಪ್ರಯತ್ನ ಪಡುತ್ತಾರೆ. ಇದನ್ನು ವೈದ್ಯಕೀಯ ಭಾಷೆಯಲ್ಲಿ ಫೇಸೆಟ್ ಬ್ಲಾಕ್ ಎಂದು ಕರೆಯುತ್ತಾರೆ. ಫೇಸೆಟ್ ಆರ್ಥ್ರೈಟಿಸ್ ಚಿಕಿತ್ಸೆ : – ಮೂಳೆ ರೋಗ ತಜ್ಞರು ನಿಮ್ಮ ಫೇಸೆಟ್ ಆರ್ಥ್ರೈಟಿಸ್ ಸಮಸ್ಯೆಯನ್ನು ಪ್ರಪ್ರಥಮವಾಗಿ ಶಸ್ತ್ರಚಿಕಿತ್ಸೆಯ ಹೊರತಾಗಿ ಗುಣಪಡಿಸಲು ಪ್ರಯತ್ನ ಪಡುತ್ತಾರೆ. ಏಕೆಂದರೆ ಕೆಲವರಿಗೆ ಕೆಲವು ಸಂದರ್ಭಗಳಲ್ಲಿ ನಡೆಸುವ ಶಸ್ತ್ರಚಿಕಿತ್ಸೆ ತುಂಬಾ ಅಪಾಯಕಾರಿ ಮತ್ತು ಕಷ್ಟಕರ ಪರಿಸ್ಥಿತಿಯನ್ನು ನಿರ್ಮಾಣ ಮಾಡುತ್ತದೆ. ಹಾಗಾಗಿ ಮೊದಲಿಗೆ ನೀವು ಆರ್ಥರೈಟಿಸ್ ಸಮಸ್ಯೆಗೆ ಚಿಕಿತ್ಸೆ ತೆಗೆದುಕೊಳ್ಳುವ ಮುಂಚೆ ವೈದ್ಯರ ಬಳಿ ಒಮ್ಮೆ ನಿಮ್ಮ ದೇಹದ ಸದ್ಯದ ಹೊಂದಾಣಿಕೆಯ ಬಗ್ಗೆ ಮತ್ತು ಒಂದು ವೇಳೆ ಚಿಕಿತ್ಸೆ ನಿಮಗೆ ಹೊಂದಿಕೊಳ್ಳದೆ ಇದ್ದರೆ ಎದುರಾಗುವ ಸಮಸ್ಯೆಗಳ ಬಗ್ಗೆ ಚರ್ಚೆ ಮಾಡಿ. ಫೇಸೆಟ್ ಆರ್ಥ್ರೈಟಿಸ್ ಸಮಸ್ಯೆಯಿಂದ ಬಹಳ ಬೇಗನೆ ಪರಿಹಾರ ಪಡೆಯಲು ಈ ಕೆಳಗಿನ ಚಿಕಿತ್ಸೆಗಳನ್ನು ಒಟ್ಟಿಗೆ ಪಡೆದರೆ ಉತ್ತಮ. ಮೊದಲಿಗೆ ಸಾಕಷ್ಟು ವಿಶ್ರಾಂತಿ ತೆಗೆದುಕೊಳ್ಳುವುದು : – ನಾವು ನಮ್ಮ ದಿನ ನಿತ್ಯದ ಕಾರ್ಯ ಚಟುವಟಿಕೆಯಲ್ಲಿ ಹೆಚ್ಚು ತೊಡಗಿಕೊಳ್ಳುವುದರಿಂದ ನಮ್ಮ ದೇಹದ ಮೂಳೆಗಳು ಮತ್ತು ಕೀಲುಗಳು ಹೆಚ್ಚು ಉಪಯೋಗಕ್ಕೆ ಬರುತ್ತವೆ ಇದರಿಂದ ನಮ್ಮ ಬೆನ್ನು ನೋವು ಮತ್ತಷ್ಟು ಜಾಸ್ತಿ ಆಗುವ ಸಾಧ್ಯತೆ ಇರುತ್ತದೆ ಹಾಗಾಗಿ ಒಂದು ಕಡೆ ಸುಮ್ಮನೆ ಕುಳಿತರೆ ಮತ್ತು ವಿಶ್ರಾಂತಿ ತೆಗೆದುಕೊಂಡರೆ ಸಮಸ್ಯೆ ಹೆಚ್ಚಾಗುವುದು ತಪ್ಪುತ್ತದೆ. ಕುಳಿತುಕೊಳ್ಳಲು ಮತ್ತು ಮಲಗಲು ಬೆಂಬಲ : – ನಾವು ಕುಳಿತುಕೊಂಡು ಸಂದರ್ಭದಲ್ಲಿ ಅಥವಾ ಹಾಸಿಗೆ ಮೇಲೆ ಮಲಗಿದ ಸಂದರ್ಭದಲ್ಲಿ ಮೆತ್ತನೆಯ ಹಾಸಿಗೆ ಮತ್ತು ಬೆಂಬಲಕ್ಕಾಗಿ ಮೆತ್ತನೆಯ ದಿಂಬುಗಳು ಅಥವಾ ಕುಶನ್ ಗಳು ಇದ್ದರೆ ತುಂಬಾ ಒಳ್ಳೆಯದು.

ನೋವು ನಿವಾರಕ ಆಯಿಂಟ್ಮೆಂಟ್ ಮತ್ತು ಔಷಧಿಗಳು : – ತುಂಬಾ ಪ್ರಬಲವಾದ ಔಷಧಿಗಳನ್ನು ತೆಗೆದುಕೊಳ್ಳದೆ ಇದ್ದರೂ ಸೌಮ್ಯ ರೀತಿಯ ಔಷಧಿಗಳನ್ನು ವೈದ್ಯರು ಆರ್ಥ್ರೈಟಿಸ್ ಸಮಸ್ಯೆಗೆ ಶಿಫಾರಸು ಮಾಡುತ್ತಾರೆ. ಮೂಳೆಗಳಿಗೆ ಸಂಬಂಧ ಪಟ್ಟ ನೋವುಕಾರಕ ಸಮಸ್ಯೆಯನ್ನು ಪರಿಹರಿಸಿ ಮಾಂಸಖಂಡಗಳಿಗೆ ಹೆಚ್ಚು ವಿಶ್ರಾಂತಿ ನೀಡುವಲ್ಲಿಇವುಗಳು ತುಂಬಾ ಸಹಕಾರಿ. ದೇಹದ ಮಾಂಸಖಂಡಗಳಿಗೆ ವಿಶ್ರಾಂತಿ ತುಂಬಾ ಮುಖ್ಯ : – ಒಂದು ವೇಳೆ ವೈದ್ಯರು ನೀಡಿದ ಔಷಧಿಗಳು ನಿಮ್ಮ ಅತಿಯಾದ ನೋವಿನ ವಿರುದ್ಧ ಕೆಲಸ ಮಾಡದೆ ಇದ್ದರೆ ಆಗ ನಿಮ್ಮ ಮಾಂಸಖಂಡಗಳಿಗೆ ವಿಶ್ರಾಂತಿ ನೀಡಲು ಬೇರೆ ಬಗೆಯ ಔಷಧಿಗಳು ಅಗತ್ಯವಿರುತ್ತವೆ. ದೈಹಿಕ ತೆರಪಿ : – ಆರ್ಥ್ರೈಟಿಸ್ ಸಮಸ್ಯೆ ಇರುವವರಿಗೆ ಇದೊಂದು ಅತಿ ಮುಖ್ಯವಾದ ಕಾರ್ಯ ಚಟುವಟಿಕೆ ಒಬ್ಬ ಅನುಭವಿ ತೆರಪಿಸ್ಟ್ ನಿಮಗೆ ಕುಳಿತುಕೊಳ್ಳಲು ಕೈ ಕಾಲುಗಳನ್ನು ವಿಸ್ತರಿಸಲು ಮತ್ತು ಮಲಗುವಾಗ ಯಾವ ವ್ಯಾಯಾಮಗಳು ಸಹಕಾರಿ ಎಂಬುದರ ಬಗ್ಗೆ ಸಂಪೂರ್ಣ ಮಾಹಿತಿ ಒದಗಿಸುತ್ತಾರೆ. ಇದರಿಂದ ನಿಮ್ಮ ದೇಹದಲ್ಲಿ ಉರಿಯೂತದಿಂದ ಮತ್ತು ಊತದಿಂದ ಬಳಲಿದ ಮಾಂಸಖಂಡಗಳು ಮತ್ತು ಕೀಲುಗಳು ಸಹಜ ಸ್ಥಿತಿಗೆ ಮರಳಲು ನೆರವಾಗುತ್ತದೆ ಒಂದು ವೇಳೆ ಈ ಸಂದರ್ಭದಲ್ಲಿ ನೋವು ಹೆಚ್ಚಾದರೆ ನಿಮಗೆ ಬೇರೆ ಬಗೆಯ ಸಲಹೆ ಮತ್ತು ಚಿಕಿತ್ಸೆಗಳನ್ನು ಕೊಡಲು ಮುಂದಾಗಬಹುದು ಶಸ್ತ್ರಚಿಕಿತ್ಸೆಯಿಂದ ಪರಿಹಾರ : – ಮೇಲೆ ತಿಳಿಸಿದ ಯಾವುದೇ ವಿಧಾನದಿಂದ ನಿಮಗೆ ಆರ್ಥಿಕ ಸಮಸ್ಯೆ ಬಗೆಹರಿಯದೆ ಇದ್ದಲ್ಲಿ ಆಗ ಕೊನೆಗೆ ಉಳಿದಿರುವುದು ಶಸ್ತ್ರಚಿಕಿತ್ಸೆಯ ವಿಧಾನ. ಬಹಳ ಬೇಗನೆ ಶಸ್ತ್ರಚಿಕಿತ್ಸೆಯ ಪ್ರಕ್ರಿಯೆ ಮುಗಿಯುವುದರಿಂದ ನೀವು ದೀರ್ಘಕಾಲ ಚಿಕಿತ್ಸೆಗಾಗಿ ಕಾಯುವ ಅಗತ್ಯವಿಲ್ಲ ಶಸ್ತ್ರಚಿಕಿತ್ಸೆಯ ನಂತರವೂ ನೀವು ಬಹಳ ಬೇಗನೆ ಹುಷಾರಾಗುತ್ತೀರಿ. ಫೇಸೆಟ್ ಆರ್ಥೈಟಿಸ್ ಸಮಸ್ಯೆ ಬಗೆಹರಿಸಲು ನೀಡುವ ಶಸ್ತ್ರಚಿಕಿತ್ಸೆ ಎಂದರೆ ಅದು ‘ ರೇಡಿಯೋ ಫ್ರೀಕ್ವೆನ್ಸಿ ನೆರ್ವ್ ಎಬ್ಲೇಶನ್ ‘ .ಈ ಚಿಕಿತ್ಸೆಯ ಪ್ರಕ್ರಿಯೆಯಲ್ಲಿ ರೇಡಿಯೋ ಫ್ರೀಕ್ವೆನ್ಸಿ ಕಿರಣಗಳನ್ನು ಫೇಸೆಟ್ ಕೀಲುಗಳಿಗೆ ಹರಿಬಿಟ್ಟು ಅಲ್ಲಿರುವ ಮೆದುಳಿಗೆ ನೋವಿನ ಸೂಚಕಗಳನ್ನು ಕಳುಹಿಸುತ್ತಿರುವ ನರಗಳನ್ನು ನಿಷ್ಕ್ರಿಯ ಮಾಡಲಾಗುತ್ತದೆ. ವೈದ್ಯರನ್ನು ಯಾವಾಗ ನೋಡಬೇಕು ? ಯಾವುದೇ ಸಂದರ್ಭದಲ್ಲಿ ನಿಮಗೆ ಕುತ್ತಿಗೆ ನೋವು ಮತ್ತು ಬೆನ್ನು ನೋವು ಕಂಡುಬಂದ ಸಂದರ್ಭದಲ್ಲಿ ತಕ್ಷಣವೇ ಇದಕ್ಕೆ ಸಂಬಂಧಪಟ್ಟ ಔಷಧಿಗಳನ್ನು ಫಿಸಿಕಲ್ ತೆರಪಿ ಚಿಕಿತ್ಸೆ ಗಳನ್ನು ಸ್ಟಿರಾಯ್ಡ್ ಇಂಜೆಕ್ಷನ್ ಗಳನ್ನು ತೆಗೆದುಕೊಂಡು ಕೆಲವೊಮ್ಮೆ ಅವಶ್ಯವಿರುವ ಸಂದರ್ಭದಲ್ಲಿ ಶಸ್ತ್ರ ಚಿಕಿತ್ಸೆ ಮಾಡಿಸಿಕೊಳ್ಳುವ ಮೂಲಕ ನಿಮ್ಮ ಆರೋಗ್ಯದ ಅಸ್ವಸ್ಥತೆಯಿಂದ ಬಹಳ ಬೇಗನೆ ಹೊರಬರಬಹುದು.

ನಿಮ್ಮ ಸ್ನೇಹಿತರಿಗೂ/ಫೇಸ್ಬುಕ್ ಗ್ರೂಪ್ ಗೆ ಶೇರ್ ಮಾಡಿ...
  •  
  •  
  •  
  •  
  •  
  •  
  •