ಟಾಟಾ ಕಂಪನಿಯ ಈ SUV ಮುಂದೆ ಮಹಿಂದ್ರಾ ಸ್ಕಾರ್ಪಿಯೋ ಹಾಗೂ ಹ್ಯುಂಡೈ ಕ್ರೆಟಾ ಕಾರುಗಳು ಫೇಲ್ ಆಗಿದ್ದು, ಕಂಫರ್ಟ್ ಡ್ರೈವಿಂಗ್ ಹಾಗೂ ರೇಸಿಂಗ್ ನಲ್ಲಿ ಈ ಕಾರು ತನ್ನದೇ ಆದ ಛಾಪು ಮೂಡಿಸಿದೆ. SUV ಸೆಕ್ಟರ್ ಗಳಲ್ಲಿ ಟಾಟಾ ನೆಕ್ಸಾನ್ ಮಾರುಕಟ್ಟೆಯ ಕಿಂಗ್ ಆಗಿದೆ. ಟಾಟಾ ಮೋಟರ್ಸ್ ರವರ ಕಾರುಗಳಿಗೆ ಇತ್ತೀಚಿನ ದಿನಗಳಲ್ಲಿ ಗ್ರಾಹಕರ ಕಡೆಯಿಂದ ಒಳ್ಳೆ ರೆಸ್ಪಾನ್ಸ್ ಸಿಗುತ್ತಿದ್ದು, ಈ ಬಗ್ಗೆ ಇದೇ ವರ್ಷದ ಅಕ್ಟೋಬರ್ ತಿಂಗಳ ಸೇಲ್ ಡೇಟಾ ನೋಡಿದಾಗ ತಿಳಿಯುತ್ತದೆ.
ಟಾಟಾರವರ ನೆಕ್ಸಾನ್ ಕಾರು ಬೇರೆ ಎಲ್ಲ ಕಂಪನಿಗಳ ಕಾರುಗಳನ್ನು ಹಿಂದಿಕ್ಕಿದೆ, ಈ ಕಾರಿನ ಮಾರಾಟದ ಮುಂದೆ ಮಾರುತಿ ಸುಜುಕಿ ಬ್ರಿಝಾ, ಗ್ರಾಂಡ್ ವಿಟಾರಾ ಮತ್ತು ಸ್ಕಾರ್ಪಿಯೋ ಎಲ್ಲವನ್ನೂ ಸಹ ಹಿಂದಿಕ್ಕಿದೆ ನೆಕ್ಸಾನ್! ಲುಕ್ – ಫೀಚರ್ಸ್ ಜೊತೆಗೆ ಅದರ ಗಟ್ಟಿಮುಟ್ಟಾದ ಬಾಡಿ ಭಾರತೀಯ ಗ್ರಾಹಕರನ್ನು ಆಕರ್ಷಿಸಿದೆ.
ಒಂದೇ ವರ್ಷದಲ್ಲಿ ಮಾರಾಟದ ದಾಖಲೆಗಳನ್ನು ಮುರಿದು ಹಾಕಿದೆ! : ಟಾಟಾ ಕಂಪನಿಯ ಪರವಾಗಿ ಅತೀ ಹೆಚ್ಚು ಮಾರಾಟವಾದ ಯಾವುದೇ ಸೆಗ್ಮೆಂಟ್ ನ ಕಾರುಗಳಲ್ಲಿ ನೆಕ್ಸಾನ್ ಮೊದಲ ಸ್ಥಾನದಲ್ಲಿದ್ದು. ಅಕ್ಟೋಬರ್-2022 ರ ಡೇಟಾ ನೋಡುವುದಾದರೆ ಬರೋಬ್ಬರಿ 13,767 ಯೂನಿಟ್ಸ್ ಮಾರಾಟವಾಗಿವೆ! ಇದೇ ಕಾರು ಕಳೆದ ವರ್ಷದ (2021) ಅಕ್ಟೋಬರ್ ನಲ್ಲಿ ಕೇವಲ 10,096 ಯೂನಿಟ್ಸ್ ಮಾರಾಟ ಮಾಡಿತ್ತು.
ಒಂದೇ ವರ್ಷದಲ್ಲಿ ಟಾಟಾ ನೆಕ್ಸಾನ್ ಕಾರು ಬರೋಬ್ಬರಿ 36% ನಷ್ಟು ಹೆಚ್ಚು ಮಾರಾಟವಾಗಿದ್ದು ದಾಖಲೆಯಾಗಿದೆ. ಈ ವರ್ಷದ ಅಕ್ಟೋಬರ್-2022 ರಲ್ಲಿ ಮಾರಾಟವಾದ SUV ಗಳ ಪಟ್ಟಿಯಲ್ಲಿ ಎರಡನೇ ಸ್ಥಾನದಲ್ಲಿ ಹ್ಯುಂಡೈ ಕ್ರೆಟಾ ಕಾರು ಇದ್ದು, ಅದು 11,800 ಯೂನಿಟ್ಸ್ ಮಾರಾಟವಾಗಿದ್ದರೆ, ಮೂರನೇ ಸ್ಥಾನದಲ್ಲಿ ಮಾರುತಿ ಸುಜುಕಿಯ ಬ್ರಿಝಾ ಕಾರು ಇದೆ, ಆ ಕಾರಿನ 9,941 ಯೂನಿಟ್ಸ್ ಮಾರಾಟವಾಗಿವೆ.
ಟಾಟಾ ನೆಕ್ಸಾನ್ ಕಾರಿನ ಬೆಲೆ : ಕ್ರ್ಯಾಶ್ ಟೆಸ್ಟಿಂಗ್ ನಲ್ಲಿ ಗ್ಲೋಬಲ್ NCAP ಕಡೆಯಿಂದ 5 ಸ್ಟಾರ್ ಸೇಫ್ಟಿ ರೇಟಿಂಗ್ ಪಡೆದಿರುವ ಈ ಕಾರಿನ ದೆಹಲಿ ಎಕ್ಸ್- ಷೋ ರೂಮ್ ಬೆಲೆ 7,39,900 ರೂಪಾಯಿಗಳಿಂದ 11,78,900 ರೂಪಾಯಿಗಳ ನಡುವೆ ಇದೆ. ಕಂಪನಿಯ ಪ್ರಕಾರ ಟಾಟಾ ನೆಕ್ಸಾನ್ ಏಪ್ರಿಲ್-2021 ರಿಂದ ಆಗಸ್ಟ್-2022 ರವರೆಗೆ ನಂಬರ್.1 ರಲ್ಲಿ ಇತ್ತಂತೆ, ಆದರೆ ಅಕ್ಟೋಬರ್ ತಿಂಗಳ ಡೇಟಾ ನೋಡಿದಾಗ ತಿಳಿದುಬರುವುದೇನೆಂದರೆ ಈ ಕಾರು ಇಂದಿಗೂ ಸಹ ಗ್ರಾಹಕರ ಮನಸ್ಸು ಗೆಲ್ಲುತ್ತಿದೆ ಎಂದು.
ಮೊದಲಿಗಿಂತಲೂ ಪವರ್ಫುಲ್ ಎಂಜಿನ್ ನೊಂದಿಗೆ ಬಂದಿರುವ ಟಾಟಾ ನೆಕ್ಸಾನ್! : ಕಂಪನಿಯು ತನ್ನ ಗ್ರಾಹಕರಿಗೆ 67 ವೆರಿಯಂಟ್ ನ ಆಪ್ಷನ್ ನೀಡುತ್ತಿದೆ, ಇವುಗಳಲ್ಲಿ ಪೆಟ್ರೋಲ್ ನಲ್ಲಿ 19 ವೆರಿಯಂಟ್, ಡೀಸೆಲ್ ನಲ್ಲಿ 18 ವೆರಿಯಂಟ್ ಹಾಗೂ 30 ವೆರಿಯಂಟ್ ಗಳು ಆಟೋಮ್ಯಾಟಿಕ್ ನಲ್ಲಿ ಬರುತ್ತಿವೆ. ಕಂಪನಿಯು ಈ ಕಾರಿನಲ್ಲಿ 1.2 ಲೀಟರ್ 3 ಸಿಲಿಂಡರ್ ಟರ್ಬೋ ಹಾಗೂ 1.5 ಲೀಟರ್ ಟರ್ಬೋ ಡೀಸೆಲ್ ಎಂಜಿನ್ ಅಳವಡಿಸಿದ್ದು ಈ ಎರಡು ಎಂಜಿನ್ ಗಳಿಗೂ ಸಹ 6 ಸ್ಪೀಡ್ ಮಾನ್ಯುಯಲ್ ಹಾಗೂ 6 ಸ್ಪೀಡ್ AMT ಗೇರ್ ಬಾಕ್ಸ್ ಅಳವಡಿಸಲಾಗಿದೆ.
ಟಾಟಾ ನೆಕ್ಸಾನ್ ಫೀಚರ್ಸ್ : ಟಾಟಾ ಮೋಟಾರ್ಸ್ ರವರ ನೆಕ್ಸಾನ್ ನ XZ+L ವೆರಿಯಂಟ್ ಇದೇ ಸೆಪ್ಟೆಂಬರ್ ನಲ್ಲಷ್ಟೇ ಲಾಂಚ್ ಆಗಿದ್ದು ಇದು ಮಿಡ್ ಸೆಗ್ಮೆಂಟ್ ನದ್ದಾಗಿದೆ, ಈ ವೆರಿಯಂಟ್ XZ+(O) ಮತ್ತು XZ+(P) ಗಳ ಮಧ್ಯದಲ್ಲಿ ಬರುತ್ತದೆ, ಈ ವೆರಿಯಂಟ್ ನಲ್ಲಿ ಪೆಟ್ರೋಲ್ ಹಾಗೂ ಡೀಸೆಲ್ ಎರಡು ಫ್ಯೂಲ್ ಟೈಪ್ ಗಳಲ್ಲಿಯೂ ಸಹ ಲಭ್ಯವಿದೆ.
ಕಾರಿನ ದೆಹಲಿ ಎಕ್ಸ್-ಷೋ ರೂಮ್ ಬೆಲೆ 11.38 ಲಕ್ಷ ರೂಪಾಯಿಗಳಾಗಿದೆ, ನೆಕ್ಸಾನ್ ನಲ್ಲಿ ಸಿಗಬಹುದಾದ ಫೀಚರ್ಸ್ ಬಗ್ಗೆ ಮಾತನಾಡುವುದಾರೆ, ಇದರಲ್ಲಿ ವೈರ್ ಲೆಸ್ ಚಾರ್ಜರ್, ವೆಂಟಿಲೇಟೆಡ್ ಲೆದರ್ ಸೀಟ್ಸ್, ಏರ್ ಪ್ಯೂರಿಫೈರ್ ಮತ್ತು ಆಟೋಮ್ಯಾಟಿಕ್ ಡೀಮಿಂಗ್ IRVM ಹಾಗೂ ಅನೇಕ ಆಧುನಿಕ ಫೀಚರ್ಸ್ ಲಭ್ಯವಿವೆ.
