‘ರಾಕಿಂಗ್ ಸ್ಟಾರ್’ ಯಶ್‌ ಸೋಶಿಯಲ್‌ ಮೀಡಿಯಾದಲ್ಲಿ ಇತ್ತೀಚೆಗೆ ಹಾಕಿದ್ದ ಒಂದು ಪೋಸ್ಟ್‌ ಹಲವರ ಅನುಮಾನಕ್ಕೆ ಕಾರಣ ಆಗಿತ್ತು. ಮೂರನೇ ಬಾರಿಗೆ ರಾಧಿಕಾ ಪಂಡಿತ್ ಪ್ರೆಗ್ನೆಂಟ್ ಆಗಿದ್ದಾರಾ ಎಂಬ ಪ್ರಶ್ನೆ ನೆಟ್ಟಿಗರ ಮನದಲ್ಲಿ ಮೂಡಿತ್ತು.
ನಟ ಯಶ್‌ ಈಗ ಫ್ಯಾಮಿಲಿಗಾಗಿ ಹೆಚ್ಚು ಸಮಯ ನೀಡುತ್ತಿದ್ದಾರೆ. ಪತ್ನಿ ರಾಧಿಕಾ ಪಂಡಿತ್, ಮಕ್ಕಳು ಮತ್ತು ತಂದೆ-ತಾಯಿ ಜೊತೆ ಕಾಲ ಕಳೆಯುತ್ತ ಹಾಯಾಗಿ ಇದ್ದಾರೆ. ಇತ್ತೀಚೆಗೆ ಅವರು ಲಾಕ್ಡೌನ್ ಬಗ್ಗೆ ಒಂದು ಪೋಸ್ಟ್‌ ಮಾಡಿದ್ದರು. ಅದು ಸಖತ್‌ ವೈರಲ್ ಕೂಡ ಆಗಿತ್ತು. ಜೊತೆಗೆ ಅನೇಕರಿಗೆ ಅನುಮಾನ ಮೂಡಲು ಕಾರಣ ಆಗಿತ್ತು.ಒಂದು ಕಾಲದಲ್ಲಿ ಸ್ಯಾಂಡಲ್‌ವುಡ್‌ನ ಬಹುಬೇಡಿಕೆಯ ನಟಿ ಆಗಿದ್ದ ರಾಧಿಕಾ ಪಂಡಿತ್ ಈಗ ಸಂಸಾರದ ಕಡೆಗೆ ಹೆಚ್ಚು ಗಮನ ನೀಡಿದ್ದಾರೆ. ಮದುವೆ ಬಳಿಕ ಅವರು ನಟಿಸಿದ ಕೊನೇ ಸಿನಿಮಾ ‘ಆದಿ ಲಕ್ಷ್ಮೀ ಪುರಾಣ’. ನಂತರ ಅವರು ಬಣ್ಣ ಹಚ್ಚಿಲ್ಲ. ಎರಡು ಮುದ್ದಾದ ಮಕ್ಕಳ ತಾಯಿ ಆಗಿರುವ ಅವರು, ಈಗ ಮಕ್ಕಳ ಆರೈಕೆಯಲ್ಲೇ ತೊಡಗಿಕೊಂಡಿದ್ದಾರೆ. ಮತ್ತೆ ಅವರನ್ನು ತೆರೆಮೇಲೆ ನೋಡಬೇಕು ಎಂದು ಅಭಿಮಾನಿಗಳು ಆಸೆ ಇಟ್ಟಕೊಂಡಿದ್ದಾರೆ.
ಪತ್ನಿ ರಾಧಿಕಾ ಪಂಡಿತ್ ಜೊತೆ ಇರುವ ಫೋಟೋವನ್ನು ಈ ಪೋಸ್ಟ್‌ನೊಂದಿಗೆ ಯಶ್‌ ಅಪ್‌ಲೋಡ್‌ ಮಾಡಿದ್ದರು. ಅಚ್ಚರಿ ಅಂದರೆ, ಆ ಫೋಟೋ ನೋಡುತ್ತಿದ್ದಂತೆಯೇ ಅನೇಕರು ಅನುಮಾನ ವ್ಯಕ್ತಪಡಿಸಲು ಆರಂಭಿಸಿದರು. ರಾಧಿಕಾ ಪಂಡಿತ್ ಮೂರನೇ ಬಾರಿಗೆ ಗರ್ಭಿಣಿ ಆಗಿರಬಹುದೇ ಎಂಬ ಪ್ರಶ್ನೆ ಹಲವರಲ್ಲಿ ಮೂಡಿತು. ಅದನ್ನು ಕಾಮೆಂಟ್‌ಗಳ ಮೂಲಕ ಅನೇಕರು ನೇರವಾಗಿ ಕೇಳಿಯೇ ಬಿಟ್ಟರು. ಒಂದಲ್ಲ ಎರಡಲ್ಲ ಹಲವಾರು ಕಾಮೆಂಟ್‌ಗಳು ಈ ಕುರಿತಾಗಿಯೇ ಬಂದಿವೆ. ತಕ್ಷಣಕ್ಕೆ ಯಶ್‌-ರಾಧಿಕಾ ದಂಪತಿ ಆ ಯಾವ ಪ್ರಶ್ನೆಗಳಿಗೂ ಉತ್ತರ ನೀಡಲಿಲ್ಲ. ಹಾಗಾಗಿ ‘ಮೌನಂ ಸಮ್ಮತಿ ಲಕ್ಷಣಂ’ ಎಂದು ಲೆಕ್ಕಾಚಾರ ಹಾಕಲು ಶುರು ಮಾಡಿದರು ನೆಟ್ಟಿಗರು.ಅಷ್ಟಕ್ಕೂ ನೆಟ್ಟಿಗರಿಗೆ ಇಂಥ ಅನುಮಾನ ಯಾಕೆ ಮೂಡಿತು? ಅದಕ್ಕೆಲ್ಲ ಕಾರಣ ಆಗಿದ್ದು ಯಶ್‌ ಪೋಸ್‌ ನೀಡಿದ ಪರಿ. ರಾಧಿಕಾ ಪಕ್ಕದಲ್ಲಿ ಕುಳಿತು, ಹಣೆಯ ಮೇಲೆ ಮೂರು ಬೆರಳುಗಳನ್ನು ಇಟ್ಟುಕೊಂಡಿದ್ದ ಯಶ್‌ ಅವರನ್ನು ನೋಡಿದರೆ ‘ಮೂರು’ ಎಂಬ ವಿಚಾರವನ್ನು ಒತ್ತಿ ಹೇಳುವಂತಿತ್ತು. ಅದನ್ನು ಕಂಡ ಅನೇಕರಿಗೆ ಇದು ಅವರ ಮೂರನೇ ಮಗುವಿನ ಆಗಮನದ ಸುಳಿವು ಇರಬಹುದು ಎಂದು ಅನುಮಾನ ಮೂಡಿತ್ತು. ಈ ಹಿಂದೆ ಕೂಡ ಯಶ್‌ ಅಚ್ಚರಿ ನೀಡಿದ್ದರು. ಮೊದಲು ಪುತ್ರಿ ಆಯ್ರಾ ಜನಿಸಿದ ಕೆಲವೇ ತಿಂಗಳುಗಳ ನಂತರ ತಾವು ಮತ್ತೊಂದು ಮಗುವಿನ ನಿರೀಕ್ಷೆಯಲ್ಲಿ ಇದ್ದೇವೆ ಎಂಬ ಸಿಹಿ ಸುದ್ದಿಯನ್ನು ರಾಧಿಕಾ-ಯಶ್‌ ದಂಪತಿ ನೀಡಿದ್ದರು.
ಹಣೆ ಮೇಲೆ ಯಶ್‌ ಮೂರು ಬೆರಳುಗಳನ್ನು ಇಟ್ಟುಕೊಂಡಿದ್ದನ್ನು ನೋಡಿ ಅಭಿಮಾನಿಗಳು ಏನೇನೋ ಕಲ್ಪನೆ ಮಾಡಿಕೊಂಡುಬಿಟ್ಟರು. ಮನದಲ್ಲಿ ಮೂಡಿದ ಅನುಮಾನವನ್ನು ಕಾಮೆಂಟ್‌ ಬಾಕ್ಸ್‌ನಲ್ಲಿ ವ್ಯಕ್ತಪಡಿಸಿದರು. ಅದು ರಾಧಿಕಾ ಪಂಡಿತ್ ಗಮನಕ್ಕೂ ಬಂದಿದೆ. ಯಶ್‌ ಮಾಡಿರುವ ಪೋಸ್ಟ್‌ಗೆ ಪ್ರತಿಕ್ರಿಯೆ ನೀಡಿರುವ ರಾಧಿಕಾ ಪಂಡಿತ್, ‘ನೋ… ನಾನು ಪ್ರೆಗ್ನೆಂಟ್ ಅಲ್ಲ’ ಎಂದು ಹೇಳಿದ್ದಾರೆ. ‘ಒಬ್ಬ ಜವಾಬ್ದಾರಿಯುತ ಪ್ರಜೆ ಆಗುವ ಮೂಲಕವಾದರೂ ಈಗ ನೀವು ನನ್ನ ರೂಲ್ಸ್‌ ಫಾಲೋ ಮಾಡುವಂತಾಗಿದೆ. ಅಂದಹಾಗೆ, ಇದನ್ನು ಒಂದು ಸಿಗ್ನಲ್‌ ಎಂದುಕೊಂಡಿರುವ ಎಲ್ಲರಿಗೂ ನಾನು ಹೇಳುವುದೇನೆಂದರೆ, ನೋ… ನಾನು ಪ್ರೆಗ್ನೆಂಟ್ ಅಲ್ಲ’ ಎಂದು ರಾಧಿಕಾ ಪಂಡಿತ್ ಕಾಮೆಂಟ್‌ ಮಾಡಿದ್ದಾರೆ. ಅಲ್ಲಿಗೆ ಎಲ್ಲ ಅನುಮಾನಗಳಿಗೂ ತೆರೆ ಬಿದ್ದಂತಾಗಿದೆ.
Comments are closed.