ಕುಟುಂಬಸ್ಥರ ಸಮ್ಮುಖದಲ್ಲೇ ಹಿಂದೂ ಹುಡುಗ-ಮುಸ್ಲಿಂ ಹುಡುಗಿ ವಿವಾಹ

ಜಾತಿ ಮತ್ತು ಧರ್ಮದ ಅಡೆತಡೆ ಮುರಿದು ಕೊಲ್ಲಾಪುರದಲ್ಲಿ ಹಿಂದೂ-ಮುಸ್ಲಿಂ ಕುಟುಂಬದ ವಿವಾಹ ಸಮಾರಂಭ ಶನಿವಾರ ಅದ್ಧೂರಿಯಾಗಿ ನಡೆಯಿತು. ಈ ಕಾರ್ಯಕ್ಕೆ ಎಲ್ಲೆಡೆಯಿಂದ ಮೆಚ್ಚುಗೆ ವ್ಯಕ್ತವಾಗುತ್ತಿದೆ.

ಪ್ರಗತಿಪರ ವಿಚಾರ ಉತ್ತೇಜಿಸುವ ನಿಟ್ಟಿನಲ್ಲಿ ಈ ಮದುವೆ ಮಾಡಲಾಗಿದ್ದು, ಮುಜಾವರ್​ ಮತ್ತು ಯಾದವ್​ ಕುಟುಂಬಗಳು ಒಟ್ಟಿಗೆ ಸೇರಿ ಈ ಕೆಲಸ ಮಾಡಿವೆ. ಎರಡು ಕುಟುಂಬ ಜಾತಿ ಮತ್ತು ಧರ್ಮದ ಗೋಡೆ ಮುರಿದು ತಮ್ಮ ಮಕ್ಕಳ ಮದುವೆ ಹಿಂದೂ-ಮುಸ್ಲಿಂ ಸಂಪ್ರದಾಯದಂತೆ ಆಚರಿಸಿವೆ.

ಹಿಂದೂ ಹುಡುಗ ಹಾಗೂ ಮುಸ್ಲಿಂ ಹುಡುಗಿ ದಾಂಪತ್ಯ ಜೀವನಕ್ಕೆ ಕಾಲಿಟ್ಟಿದ್ದು, ಇದಕ್ಕೆ ಎರಡು ಕುಟುಂಬದಿಂದಲೂ ವಿರೋಧ ವ್ಯಕ್ತವಾಗಿಲ್ಲ. ರಾಜರ್ಷಿ ಶಾಹು ಮಹಾರಾಜ್​​ ಅವರ ಆಲೋಚನೆಯಂತೆ ಮಕ್ಕಳ ವಿವಾಹ ಸಮಾರಂಭ ನಡೆದಿದೆ. ವಿಶೇಷವೆಂದರೆ ಈ ಮದುವೆ ಕಾರ್ಯಕ್ರಮದಲ್ಲಿ ಹಿಂದೂ ಮತ್ತು ಮುಸ್ಲಿಂ ಕುಟುಂಬದ ಮದುವೆ ಆಚರಣೆ ಸಂಪ್ರದಾಯ ನಡೆದಿವೆ.